Dt 1.8.2018 khan Pi Darrohnuni Kawrthah kum 106-na Birthday an lawm. Pi Dari hian fa 2 a nei a, Rev K.Lalchhuangliana Zotlang, Aizawl leh Pi Nunmawii Kawrthah te an ni a, a fanute inah hian a awm a ni. Pi Darrohnuni hi a hriselna a la țha viau niin a lang a, Mizo zingah chuan a damrei ber pawlte zinga mi a ni awm e. A fapa Rev Chhuanga hi BCM Pastor a ni a, a pension na pawh kum 2000 AD daih tawh kha a ni a, tunah kum 79 a ni. A nu birthday lawmna hmangin an nupain Kawrthahah hian an kal a ni.





Mizorama upa berMizorama dam rei ber






A hnuaia thlalak hmasa zawk (single) hi Pi Darrohnuni chu a ni a. Pakhat zawk hi a fapa Rev Chhuanga te nupa nena an inneih Golden Jublilee 2012 a an lak a ni. Hetianga damrei hi Mizo zingah chuan an tam lo khawp mai a. Kum 7 liam ta 8.8.2011 a boral ta Pi Nitlemi Venghnuai kha kum 103 tih a ni a. Tuna la dam zingah chuan Pi Dari hi a upa ber hial mai thei. A ropui êm a, midang hriata tarlan tlak niin ka hria a. Min lo approved sak chuan a lawmawm hle ang. ~ CL Hruaia

Post a comment

Powered by Blogger.