POLITICS-A KA MITTUI TLAKNA HMASA BER - R LALZIRLIANA - TIMES OF MIZORAM

Breaking

Home Top Ad

Post Top Ad

POLITICS-A KA MITTUI TLAKNA HMASA BER - R LALZIRLIANA

Aizawl, 28/8/18: Vawiina Aizawl East - II Block Congress Committee-te Dawrpui Multipurpose Hall-a Block Conference an neihnaah Congress Party Vice President leh Home Minister ni bawk R. Lalzirliana chuan thu sawiin, Pu Lal Thanhawla hmalakna fakawm a tih thu a sawi a, "Rangva ka sem ang a tia, Zoram mipuiten an ringlo a ni. Kan sawrkarin Rangva an sem chiah kha chu Politics-a ka mittui tlakna hmasa ber a ni," a ti.

"RANGVA KA SEM ANG A TI A, KAN SEM TA KHA POLITICS-A KA MITTUI TLAKNA HMASA BER A NI" ~ R. Lalzirliana,Vice President, MPCC

R lalzirliana minister mizoram


Home Minister chuan, Congress party-in mirethei te lamtang policy Lal Isua duh dan a neih tlat avangin chawikanin kan awm zel thu a sawi a, "Tuirial HEP chhe lailet dera ngaih tawh kha kan hotupa hova sawrkarna kan neih leh khan siam tha leh turin a let thum a let li sen a lo ngai ta a. Lo chhunzawma tih tha duh ni se cheng Vaibelchhe 400-500 vela zo tur khan kan sawrkar chuan cheng vaibelchhe 1400 chuang kan lo sen a ngai ta a ni," tiin sum tam tak senga Tuitial HEP Congress party sawrkarin a dinthara hawn a nih tak hial thu a sawi.

Mizoram a buai laiin Congress party hotute chu tuboh leh dolung inkarah awmin remna leh muanna a awm theih nan nasa takin hma an lak thu R. Lalzirliana hian a sawi a, kum 1984 hmalamin remna leh muanna hmanga inzuarin tute sawrkar emaw chuan an tihlawhtlin loh avangin thisen tam tak a luan thu a sawi bawk.

"Kum 1984 inthlanah remna leh muanna kan zuar ve ta a, Pathianin malsawmna min pe a, sawrkarna kan chang ta a. Kan CM zahawm tak kan pu hian remna leh muanna nei turin a nihna a kianin ramhnuai lam mite an lo lut a, Minister dang pawhin nihna kianin ramhnuai lam mite sawrkarna lo dingin kan ramah remna leh muanna a lo awm ta a ni," Congress Vice President chuan a ti.

Home Minister chuan CM hnena open letter thawntu leh vautu an man tawh thu a sawi bawk. A titu hi Rodingliana khawzawl Darngawn veng ami a nih thu a sawi. 

No comments:

Post a Comment

Post Bottom Ad