AIZAWL TAXI WELFARE A PIANG TA


AIZAWL TAXI WELFAREAizawl Taxi Welfare hi Taxi Stand neilo ho in fuan khawm, Aizawl khawpui chhunga tlan kuala passenger zawng thinte an ni a, stand an neih ve loh na chhan hi an duh vang reng a neilo an ni lova, AMC in Aizawl khawpui chhunga TaxiStand a pe a,Aizawl Taxi zawng zawng din phal vek ani a,mahse AMC in stand a pek zawng zawngah hian Taxi Welfare an ding vek a, an mahni in an duh dan dan in thuneitute dan siam palzutin dan an siam a,members fee tam tak tak te an lo khawn a, din ve an tum pawh in ‘member’s only’ an tih zel avangin stand member nilo chu an ding ve thei lova. 

Tin, an dan siam hnuaia in tu lut ve a, membership fee te chawi ve a an din ve duhthu an sawi pawhin an phalsak bawk silova, an veng chhungah ngei ngei pawh Stand Member nih ve an dil pawhin an phalsak chuanglo, welfare then khat phei chuan ID card te, ration card te an lo phut bawk, an thil phut te ti puitling vekin an document an dil zawng zawngte pawh an hnenah submit dawn pawh ni se an mi duhsak zawng tak leh an hmelhriat tha tak an nih a ngai a,Stand neilo zawng zawngte hi an duhsak zawng an ni vek thei bawk silo.Stand nei ve theilo ho hi nitina eizawn ngai, nupui fanau/chhungte hrawk chawm an ni ve hlawm bawk si a, Passenger hmuh ve ngaihna an tan a awm lova, hmun lun leh hmun tha lai apiangah welfare ding in stand ah an memberte lo chu din an phal lova, anmahni leh anmahni thuneitu a insiam chawpin, midangte din ve theih loh turin an mahni in dan siam chawpin an khuahkhirh tlat zela, Taxi theuh theuh an intluk tlan loh zia chu mihausa pa dawhkan atanga chaw nawi tla, lo char tur zawng ve ang chauh an ni. Chuvang chuan an mangang lutuk in ‘Stand neilo ho hi infuankhawm ve ila hma la ve ang u’, tiin Aizawl Taxi Welfare hi an din ve tawp mai a, tunah hian members 500 dawn awm tawhin an la luh belh ve reng bawk ani.

Local Cuncil inrawlh : AMC in Taxi Stand a tan a anpek nilo, Local Council in stand alo peka, alo din tir a, Tax te pawh Local Councila chhung thin Taxi Welfare pawh an awm nual a, zan lamah leh zel pawh welfare ho hian heng Local Cuncil in a Stand alo pek, alo din tirah hian huaisar takin an mahni welfare sticker te siam chawp a, an motor a belin an ding thin a,MEMBER’s only tih hi an kal pui veka, an welfare member nilo, lo ding ve emaw, passenger lo la ve emaw te an awm chuankut thlaka, ben hial te pawh an nei thin a, Civil Hospital pengah te, Treasury Square bus Stand ah te, Zarkwtah te hian heng welfare, local couccil nena in thlun zawm tha em em te hian zanah Stand an nei a , Zarkawtah phei chuan welfare batch te siam chawpin an awrh fur hlawm a, an hauh na em em ringawt mai ni. Zankhaw teirek thlengin stand member ho hi an dinga, an duh tawk an ngah hnuah an stand nei velo an dinglut ve a, induh thawh alo na ve bawk si a, tlaivar thak thak ten passenger an chang ve a, welfare member an haw rem tawh hnu ah chuan passanger tam an awm tawh ngailo a, zankhua in passanger an chang a, zing lamah passengeran rawn tam chho ve leh dawn ta maw tih ah stand welfare member te rawn kal in an hnawt chhuak leh mai thin.

Traffic Jam thlen tu lian tak pakhat : Aizawl khawpui chhungah hian taxi, stand neilo tam tak an awm si a, nitin eizawngin an feh chhuak ve a, kan hriat angin Aizawl khawpui chhung hi a tawt em em a, kan kawngpui tawt tak karah hian passenger zawngin an tlan kual a, passenger zawngin an tlan kual ngat ngat a, passenger lo phar tu hmu lo mahse, han dina hahchawlhna tur annei ve tawh silo a, an motor a hah a, an taksa a hah bawk a, chubakah Traffic jam hi nasa takin an siam ve niin a lang a, AMC in Taxi din nan a stand an pek ah hian ding ve thei mai se chuan tun ai hian nasa takin Traffic jam hi a ziaawm phah a rinawm.

Tunah hian hma tam tak la tawh in office hrang hrang an dawr tawh bawk a,thuneitute lam chuan dan leh dun te lo hrilh fiah zelin,danah chuan Aizawl Taxi permit anneih chuan AMC in Taxi Stand an pek ah hian an duh phawt chuan an din ve theih thu in an lo chhang bawk.Tunah hian welfare sticker te siamin eng emawzat in an bel tawh bawk.Aizawl Taxi welfare hian Aizawl Taxi Driver leh owners zawng zawng te an mahni thlawp a,thu dik tan tu zawng zawngte an member a lo tel ve turin an sawm nghal bawk a,an dikna chanvo an lak let tumna lamah hian buaina alo awm palh anih pawhin mipuite hriattthiamna a dil tak meuh meuh ani.  ~ Opa Ompuia

Post a Comment

  1. Ik kies altijd voor een taxiservice als ik ergens in de tijd moet komen. Omdat taxidiensten me altijd hebben geholpen om op tijd op mijn bestemming te komen. Verder fungeren taxichauffeurs als persoonlijke chauffeurs. Hoewel ik in Zwolle woon, kies ik altijd voor Taxibel Centrale taxidiensten. Ze zijn de beste taxidienstverlener wetenschap 1989. Taxi Zwolle Station

    ReplyDelete
  2. I appreciate the time and effort us put into this post. This article gives you a clear idea about taxi. It is, without a doubt, an informative article that will help us expand our knowledge. Thank you for bringing such interesting posts to our attention.
    Taxi to Charleroi Airport

    ReplyDelete

Powered by Blogger.