![SAILAM KHUA CHANCHINTHAR BENGKHUAIA HALL HAWNG](https://blogger.googleusercontent.com/img/b/R29vZ2xl/AVvXsEj87TXSGR5_ChJhTSdCgRj8OTyckJaaYAqMjzfs3RL_RPEN0ZHvtxb6oUEe8U59SZCpyFrRmuFravahUG5vVRN3M9-7ZIHiursyIb8p6Efju6YCZDbkAlVVkvpsknk-OPM2xqpRIplT-KEV/s320/Sailam+Chanchinthar.jpg)
Pu K.S.Thanga chuan thu sawiin hall tha tak hman theiha sak zawh a ni chu lawmawm a tih thu a sawi a. Sailam khaw mipuite chu faina kawngah an chhuanawm a, khaw dang tan an entawntlak hle a ni, a ti a. Khaw inlungrual leh taima an nih thu a tarlang a. Inkalpawhna kawng pawimawhzia hre rengin tun dinhmun aia tha zawk neih theih nan hmalak mek a ni, a ti a.
Infiamna lama hmasawnna ruhrel din tawh te, loneituten chak zawka hna an thawh theihna tura hmalakna te, tui hnianghnar zawk an neih theih nana hmalakna te a tarlang a. Heng hmalaknate hi tha thei ang bera mipuiten an hman ngei a tul a ni, a ti a. Hall thar chu tangkai taka hmang ngei turin khaw mipuite chu a chah bawk a ni.
Hawnna inkhawm hi Sailam VCP Pu Zohmingliana chuan a kaihruai a. Pu V. Chalhmingliana atangin technical report ngaihthlak a ni a.Hnam lam hrang hrang entir a ni. Hall hi kum 2009 khan khan sak tan a ni a, cheng nuai 26 senga sak a ni a. A zau zawng hi 75x45 ft niin dressing room leh toilet a awm a. Programme zawh hian khaw nawtin ruai theh a ni. -DIPR
Post a Comment