MIZORAM YOUNG ACHIEVER’S AWARD 2018 - TIMES OF MIZORAM

Breaking

Home Top Ad

Post Top Ad

MIZORAM YOUNG ACHIEVER’S AWARD 2018

MIZORAM YOUNG ACHIEVER’S AWARD 2018 Mizoram Youth Commission: Vawiin chawhnu khan Pachhunga University College Auditorium ah Mizoram Youth Commission buatsiahin Young Achiever’s Award dawng tura thlan chhuah te hnenah lawmman hlanna hun hman a ni a, Pu Lalsawta, Finance Minister chu Khuallian niin, Pu Joseph Lalhimpuia, Chairman MYC, Pu Zothan Khuma, Secretary, MYC leh sawrkar mi pawimawh, NGO hrang hrang hruaitute leh zirlai engemaw zat in an telpui.

Finance Minister Pu Lalsawta chuan Pathianin Mizote hi hnam dang aia hniam bik lo turin min siam a, kan theihna leh thiamna hian taimakna leh tumruhna hmangin hlawhtlinna nasa kan ban phak ah a awm tir thei a ni, a ti a, Vawiin a MYC Young Achiever’s Award dawngtute hian hlawhtlinna an chan theih nan hian “Ka thawk rim em a ni” an tih vek ka ring, a ti bawk.  Pu Lalsawta chuan zirlai kalkhawmte chu fuihin, Taimak, tumruh, huaisen leh beih hram hram na nei turin a chah bawk a ni.


MYC Chairman Pu Joseph Lalhimpuia chuan Mizo thalai chhuanawm, kawng hrang hranga hlawhtlinna hmu te hi Mizoram mipui hma ah midangte cho phurtu leh hlawhtlinna chan ve tuma cho chhuaktu ni turin MYC Young Achiever’s Award hlan a chawimawi hi tha kan ti a ni, a ti a, District tin atangin thalai pakhat theuh, uluk taka zir chiangin District Commissioner leh State Level committee ten chawimawina dawng tlak an tih te an thlang chhuak a ni, a ti.

MYC Young Achiever’s Award 2018 hi mi 8 hnenah hlan a ni a, lawmman dawngtute chu Alinery Lalngilneii Lianhlawng Sangau, Dr Benjamin Lalfakawma, Chhingchhip, Dr Krista Roluahpuia, Mualbu(L), H.Lalengmawia, Cherhlun, Joan Laldinpuii, Lunglei, Lalchhuanzela, North Chawnpui, Lalrensiami, Kolasib leh Lalzemawia Serchhip te an ni.
-DIPR


Post Bottom Ad