Deputy Commissioner / District Election Officer, Aizawl District : Aizawl (Election Branch) chuan September n 21, 2018 (Zirtawpni kal ta) khan a hnuaia mi ang hian mipuite hnenah ‘Ngenna (Appeal)’ a siam a ni :
“Kum 2018 tawp lamah hian Mizoram chuan Inthlanpui (General Election) kan lo hmachhawn leh ta reng mai. He Inthlanpui lo awm tur atan hian inbuatsaihna pawh ngawrh takin a kal mek zel a.
India khua leh tui zawng zawng ten India Ram Danpui (Constitution) hnuaiah Dikna leh Chanvo kan nei vek a. Heng dikna leh chanvo (Rights) te hi Sorkar leh a kut leh ke hrang hrang hmangin humhalhsak kan ni. Heng zinga pawimawh ber pakhat chu Universal Adult Franchise (India khua leh tui dik tak, kum tling tawhte tana Inthlanna-a vote an thlak theihna) chanvo hi a ni. Hemi humhalh tur leh chanvo neituten an chanvo an chan ngei theih hi Election Commission of India duhdan leh tum ber a ni. ECI chuan mitin ban phak Inthlanna (Accessible Election) neih ngei ni se tih hi a duhdan a ni bawk.
Chumi bawhzui atan chuan District Election Officer (Deputy Commissioner ni bawk) chuan Universal Adult Franchise chanvo nei zawng zawngte tan (vohbik te leh pianphunga harsatna nei zawng zawngte pawh huamin) Inthlanna buatsaih a tum a. Hemi atan hian India khua leh tui, kum 18 tling tawh zawng zawngte Electoral Roll-a inziak lut turin a ngen a ni. A tihhlawhtlin nan ERO/AERO leh BLO awmnaah rawn kalin Electroal Roll-a i inziah luh ngei theih nan an rawn pui dawn che a ni. Tin, Electoral Roll-a i inziak lut tawh a nih erawh chuan India Ram Danpui hnuaia i dikna leh i chanvo i chan ngei theihna turin I VOTE hlu tak rawn THLAK ve ngei turin a ngen bawk che a ni.
Hemi kawngah hian i harsatna sutkian theih beiseiin i mamawh chuan Polling Station-ah hengte hi i tan kan chhawpchhuak bawk e.
1). Ramps (Kailawn)
2). Wheelchair
3). Braille-enabled EVM (Khaw hmu thei lote tana awlsam turin khawih maia hriat hran theih tur chhut pawn)
4). Booth Level Volunteers.
RAM KALSIAM TURIN I KE RAWN PENCHHUAK VE RAWH LE.”
Post a Comment