District kan tihpuitlin tur hi ka puang nawn leh a ni - Dr.R.Lalthangliana - TIMES OF MIZORAM

Breaking

Home Top Ad

Post Top Ad

District kan tihpuitlin tur hi ka puang nawn leh a ni - Dr.R.Lalthangliana

LalthanglianaNi 29.09.2018 (Inrinni) hian Cherhlun Bazar kawnah Cherhlun MNF Unit 1 to V, Ngharchhip leh New Ngharchhip Joint Meet neih a ni a. He huna khuallian Dr.R.Lalthangliana MNF Vice President chuan Election Campaign Office a hawn hnuin Party hrang hrang atangin mi thar 65-te chu MNF-ah a lawmlut a, South Tuipui Constituency khaw hrang hrang tana MNF chanchinbu tih chhuah tur 'South Tuipui Aw' chu a release nghal bawk.

Dr.R.Lalthangliana chuan, "Congress sorkar hmasa khan District 5-te hi a thu ringawta puangin ball-pen pakhat pawh an hnutchhiah lova, keini chuan sawisel hauh lovin kan tipuitling vek a. Kum 2008-a kan sorkar tawp dawna District pathum chauh kan puan ve kha, Congress sorkar kum 10 chhung hian a ngaihna a hriat thlawt loh avangin a tupuitling ve thei lo. Kan President leh Elected OB-te pawhin kan hun laia kan puan tawh notification meuh pawh kan tihchhuah tawh - Hnahthial, Khawzawl leh Saitual-te hi Pathian leh mipui zarah kan sorkar ngei ang a, District tihpuitlin hi keini tan chuan thil har lo tak a nih avangin kan tipuitling vek dawn tih hi ka puang nawn leh a ni. Heng Diatrict-a Hospital chhe tawh lutuk te, X-Ray khawl chhe reng mai leh damdawi awm lo fo te, tui lama harsatna te, zirna In chhe tawh lutuk leh kawng chhe lutukte hi kar loah a tha thuai ang. SP office, DC office, DRDA office leh Department hrang hrang office kan piantir chuah chuah ang a, chu'ng chuan development tam tak a kengtel dawn a ni," a ti.

MNF Vice President chuan Congress kulhpui a chim tawh leh a chim mek thu sawiin, "Kum 2014 MP Election kha Congress sorkar vanglai tak, sum pawh an ngah em em lai a ni a. MP 543-ah MP 150 atanga 200 tal chu an neih kan rin laiin, oppostion party pawh tlingzo lo khawpin MP 44 lek an nei a. Khami hnu atang khan vawiin thleng hian Punjab tih chauh loah chuan inthlan apiangah Congress kulhpui a chim zel a ni. Assam State inthlan hma deuh chiah khan Assam Chief Minister dawttu chiah chuan Congress a chhuahsan a, Congress eptu lamten MLA 82 an lak laiin 26 chauh lain an tla hneh hle a. Khatiang chiah khan Pu Hawla dawt chiah Pu Zira chuan inthlan dawn tepah Home Minister atanga banna a thehluh hnuah Congress atanga hnawhchhuah a ni a; khawngaihtu leh lainattu a ngah hle a, chungte chuan an zui mek a, Assam ang bawkin Congress sorkar pawh hi a tla ve ngei ngei dawn a, MNF kan sorkar ang," a ti bawk.

He hun hi Pu F.J.Tumsanga, MNF Group President-in a kaihruai.


Source: Press Release Memo No.MNF/Media/01/2018/303

Post Bottom Ad