Dr. K PACHHUNGA 33 LUNGLEI SOUTH AC A MNF CANDIDATE TUR

Dr. K PACHHUNGA 33 LUNGLEI SOUTH AC A MNF CANDIDATE TUR 

Dr. K PACHHUNGA
Te Biaka Lalbiaklawma

A pianna khua leh tun a a chen mekna awm telna 33 Lunglei South Assembly Constituency ah MNF Party chuan kum 2018 MLA inthlan lo awm turah Dr. K. Pachhunga Treasurer MNF Sub-Hqrs Lunglei ni mek chu bial viltu-ah an hmang mek a. Official Candidate pawh a ni zui ngei dawn niin alang. Dr. K. Pachhunga hi mi khawngaih thei tak a nih avangin bial mipuiten an khawngaih let mek niin an sawi tlat. Lunglei South mipuite hian pa inngaitlawm Dr. K. Pachhunga hi vote hmangin chawimawina pek let tumin kiltin kiltangah Dr. K. Pachhunga puihtu nih tumin MNF an zawm ruih ruih mek ni pawh in alang.

Dr. K. Pachhunga hi Lunglawn Lunglei-ah cheng mekin ni 17.03.1968 khan Thlengang khua,(Thingfal bul) ah a piang a. retheihna leh harsatna chi hrang hrang te pal tlangin thahnemngai tak in lehkha a zir a, Kum 2008 khan NEHU hnuai atangin Ph.D (Doctorate Degree) a zir zo. Lunglei Government College ah Associate Professor, thawk tawh niin a nupui Pi Helen C. Zonunmawii hi chuan Lunglei Government College ah Associate Professor niin he hna hi a thawk mek a ni.

Dr. K. Pachhunga hian Associate Professor, Lunglei Government College a thawh laiin Lunglei South mipuite hi hmasawn zawng a an kal ve theih nan te, Mizo Nationalism chawinun a nih zel theih nan te, bial mipuite rawngbawl sak turin 01/09/2013 khan a Pension a chhuakin MNF party a zawm.

Dr. K. Pachhunga hian a hun hmasa lamah khawvel hmun hrang hrangah Science hmasawnna turin Paper Present tur leh Resource Person-ah sawm a lo hlawh tawh thin a. Zirna hi hmasawnna bul pui a ni tih hria-in Education awareness campaign neiin vawi tam tak a zin kual thin a. Science lam a hmasawnna tur chungchang, a thuziak te hi Europe khawmualpui ah pawh tum thum lai chu tih chhuah a lo ni tawh a ni.. Mizoram University-Southern Campus Lunglei a lo awm theihna tur hian a sul su tu ber te zing a mi a ni.

Dr. K. Pachhunga hi mi inngaitlawm, tawng tam lem lo, thil chik peih mi, Mizoram chhung leh hmun danga Mizo awm ho, mi thiam tak tak, Mizoram hmasawnna tur a ngaihtuahna seng reng tu te, Thalai rual leh khawvel huap pawh a mi thiam tling ve phak khawvel hmun hrang hrang a mithiam te pawhin an ngaihsan leh an hmel hriat that em em a ni.

Dr.Pachhunga hi Pathian tih mi, mi tha, pa tlawmngai, mi nunnem, bial chhung ngei khawchhuak, bial chhung khua ngei a cheng mek, bial chhung a in leh lo nghet nei mek a nih bawk avangin mi khawngaihna dawngin MLA ah thlantlin lo ni ta se, Opposition MLA a ni dawn lo tih a chiang bawk si hi Lunglei South mipui kan nihlawh phah dawn mang e tih hi Lunglei South bial chhung mipuite titi tlanglawn ber a ni mek niin alang.. MLA-ah thlantlin niin thuneihna sang zawk chelh pawh nise, biak a har phah chuang lovang tih hi a hmai hma nilova sawitu tam berin a chanchin an sawi duhdan a ni mek bawk.


Post a Comment

0 Comments