INFIAMNA CHANCHINTHAR: Vawiin khan Information and Public Relations Minister Pu Lal Thanzara chuan Electric Veng YMA Section-C buatsaih Pi Lalduhawmi Sailo Football Running Tournament chu Mini Sports Complex, Chite- ah hawngin, khuallian a ni.

FOOTBALL RUNNING TOURNAMENT

Minister chuan Football inelna tur atana hawngtu leh khuallian a ni chu lawmawm, a ti a. Mizoram Football Association President a nihna anga tournament hi a ngai pawimawh a ni, tiin a sawi a. Sawrkar pawhin Football hmasawn nan tan nasa tak lain, Assam Riffle Playground-ah te, Rajiv Gandhi Indoor Stadium-ah te, Champhai, Serchhip, Kolasib leh hmun dang dangah  Artificial Grass phah a ni, a ti a. India ramah pawh inkhelna atana hmala nasa leh Artificial Grass pawh phah hnemna state a ni, tiin a sawi a. 

Football-ah hmasawnna tam tak Mizo te zingah hmuhtur a lo awm ta a ni, a ti a. Football kheltu te chu tournament chhung chauh nilo, kum tluana taksa vawng thianghlim tur leh, meizial leh ruihtheih thil laka an taksa te vawng turin a chah a. Mizo thalai tamtakte tan entawntlak ni turin leh Mizorama HIV+ laka mi an an fimhlim theih nana midang hrilh hretu ni thei turin, kalkhawmte chu a ngen bawk a ni. Infiamna kawngah pawh sportsman spirit diktak, chak thiam leh chaklo thiam turin a chah bawk a ni. Thahnem ngai taka tha thawhtu te leh trophy pe tu hnenah lawmthu a sawi bawk a ni.

He running tournament-ah hian Team 16 tellin, ni hnih chhunga zawh tura ruahmanna siam a ni.

Post a comment

Powered by Blogger.