MIZO TLANGVAL CHHUANAWM LALRUATSANGA

LALRUATSANGAMIZO TLANGVAL CHHUANAWM KEIFANG TLANGVAL LALRUATSANGA


Kum 1995 march ni 16-ah Lalthlamuana leh Lalṭhakimi inkarah a lo piang a. Class-x chin hnuai lam zawng hi Presbyterian English School, keifangah zirin, class-xi leh class-xii science erawh Govt. Chaltlang Higher Secondary school-ah a zir thung.

Pachhunga university-ah kum chanve a kal hman tihin kum 2015 khan Army Technical-ah a inziak tling a, Air Defence Regiment zawmin kum 1 a training hnuah 510 LT AD MSL REGT, Delhi-ah kum 2016 khan post a ni a. Chumi hnuah Army Cadet College(sipai pangngai ten officer an tlin theih nana inzirna) zawm lehin he ta ṭang hian commision officer-ah a inziak tling ta a ni. Service selection board hmaah interview lehin he interview hi a khirhin a harsa hle a ni ang vawi 2 ngawt hnawl a nih hnuaah officer nih a tum em avangin a vawi 3 nan kumin(2018)August thla khan hlawhtlinna ropui tak a chang ta a ni. Tunah hian Indian Military Academy (IMA) Dehradun-ah training turin a inbuatsaih mek. He training a zawh hnu hian commision officer niin Lieutenant officer-in a awm ang.


Mizote hun rei tak Army Officer a tling kan awm tawh loh hnuah officer kan han nei leh thei hi a lawmawm hle. Mi tumruh tan chuan hlawhtlinna hi a lo awm zel a ni tih Lalruatsanga nun aṭang hian a hriat theih awm e. Mi hausa fa a ni lova, sikul ṭha ber berah a lut thei hek lo, chu ti chung chuan Army officer a nih duh tlatna hian hlawhtlinna a pe zawk a ni. ~  J-a Infimate

Post a Comment

0 Comments