Phullen MHIP ten tukin 4.9.2018 zing khan an member pui, Nula duhawm takmai chunga thil rapthlak tak PAWNGSUALNA thleng pawi antihzia entirnan leh thilsual lian tak Pawngsual tu a puh JC Sangzuala (Pa Mapuia)(34) S/o Zopuiliana tia hriat Phuaibuang khua, hi a phutawk hremna pek a nih ngei theih nan member thahnem takin kawng an zawh.
PHULLENAH PAWNGSUAL


Pawngsual tua puh JC Sangzuala hi Phullen ah Electric Department a hnathawk a awm a ni a. Phuaibuang khua ah Thlansiam turin Bike a inphur chho in, Phullen a tang hian zan dar 8 velah an chhuak a. Phuaibuang leh Phullen inkar hi hnaite a ni a. Mapuia hi pawngsual tawktu Nula putea nupui chhung khat hnai tak a nih a vang in, he Nula vanduaina tawktu hian ring takin a zui ve mai a ni awm e.

Tuivai (phuaibuang kai) thlen dawn chuan Bike a khalh thei lo nia insawiin Thlamah a chawlhpui a, nula chu asual ta a, he nula khawngaih thlak tak hian a theihtawp chhuahin a tanga. Pathian hming te lam a khawngaih dilin, 'i fate chungah thleng se i duh dawn a mi" te tiin a theihtawp chhuahin, tawngkam nen te a tanga. He mi zaktheilo takmai hian "chutiang sawi sawi a ngai lo" tiin a sual lui a ni awm e.

Thlamah rei tak a chawlhpui hnu chuan, Mapuia hian, "i duhlo tih ka hria Phuaibuang chu tluang takin ka thlenpui ang che" a ti a, an kal ve leh ta mai a niawm e. Chutia an kal leh chuan, Phuaibuang thlen hmain a SUAL leh ta a niawm e. Thilsual titu te hian inthiam loh a hnekin a tuartu lam hi an vau zui bawk ani.

Hethil theng hian Hmeichhe chhungte leh Phullen khawtlang a tithinrim takzeta, a phutawk hremna pe ngei se an ti a, hma an la zui ta a. Fimkhur thilah, tukin zing a tang khan Phuaibuang Motor ten Phullen paltlang hrih lo se an ti nghe nghe a ni. - Lal Lawm Vanchhong
 

Post a Comment

Powered by Blogger.