PU LALRINLIANA SAILO MLA CHANCHIN TAWI - TIMES OF MIZORAM

Breaking

Home Top Ad

Post Top Ad

PU LALRINLIANA SAILO MLA CHANCHIN TAWI

chanchin tawiPu Lalrinliana Sailo hi Pu Sailothanga Sailo leh Pi Lalringliani Hmar Punte te fa 12 zinga 9na niin, Lungtan ah a piang a Khawhai ah a seilian a ni. Tunah hian a nupui Pi Lalthangpuii nen fa 5 mipa 2 leh hmeichhia 3 neiin Upper Republic Veng ah a cheng a ni.

Zirna lam ah BA a zo a, MA a zirlaiin Ram leh hnam tan Politics lam ah ke a pen ta zawk a ni.

Politics a a luh hma hian Zirlai Pawl ah nasa takin a in hmang a, College Student Union ah hruaitu ni rei ber leh Mizoram pum huap a Zirlai Pawl Hruaitu President ni rei ber niin hetih hun lai hian Political Issue avangin MZP chu thiah a lo ni a, MZP dinthar lehna turin theihtawp a hma la tu leh sul su tu ber a ni bawk. Zohnahthlak in pumkhatna a tana theihtawp a bei ngar ngar thin tu a ni a, tunah pawh hian ZORO General Head Quarter ah Patron Member a ni mek.

NGO ah an vengchhungah a in hmang ve thin hle a, YMA Section Leader ah te awm in, Republic veng an inthen darh hma khan Republic veng pumpui ah Branch YMA Elected OB te a lo ni ve tawh thin a ni.

Amah hi Kohhran lam ah Presbyterian Kohhran niin Upper Republic vengah Puitling Sande Sikul zirtirtu nilai mek a ni.

Politics ah Congress party ah awmin nihna pawimawh tak tak a lo chelh tawh a chungte chu ;

MPYCC GS.

NSUI President.

ADCC President. Term hnih.

Upper Republic Veng ah VC Term hnih thling tawh in VCP hmasa ber a ni.

MPCC Senior ber ber te awmna thin - Vigillance Chairman ah a awm tawh bawk.

Tunah hian MPCC GS.leh All India Congress Committee ( AICC) Delhi Head Quarter ah kum 2004 atanga tun thleng hian member nilai mek a ni.

Mizoram Congress dinhmun chhiatlai ber Kum 2007 lai vel inthlan hma si ah khan, Central ah Pi Sonia hnen a cheng Nuai 30 dawn lai zuk pawtchhuak tu a ni a, India ram Congress History ah District Congress President Central atanga pawisa pawtchhuak tu awmchhun a ni e tiin Pu Hawla ngei pawh in Congress Bhavan ah a sawi hial a ni.

Pu Rina Sailo hi Sorkar hmasa ah khan CM in a ai awh turin Mizoram pawn India ram chhung ah thil pawimawh leh Meeting lian ah vawi 5 lai a tir chhuak a. Tin, Foreign ram ah thlai thar hralhna tur leh in sumdawn tawnna tura meeting lian pui pui ah inkungkaihna tha zawk neihna turin Vietnam ah thu a han sawi tawh a. Tin, China ah vawi 2 hun neiin Thailand ah vawih 2, tin kan ramri bul Myanmar ah vawi 4 kalin meeting lian ah thu a sawi tawh thin a. Myanmar President leh Minister 9 leh sumdawnglian te hmu in, kan ram pahnih inlaichinna tur chungchang te a sawipui a. Tin, Bangladesh ah vawithum kal tawh in Prime Minister hial ama Office ah a hmu a. Minister hrang hrang leh Chamber of Commerce hotu hrang hrang te leh Official te inkungkaihna tha nei turin a lo sawipui tawh bawk. Amah hi mi taima leh michak tak a ni ti a sawi thin a ni.

A hnuai a mi hi Pi Lalnunnemi Khawzawl Mahila Congress Group President leh, VC Member nilai leh MHIP President kum 10 chuang nihna chawimawina lo dawng tawh leh, Presbyterian Kohhran a rawngbawltu Pulpit lawn pha in Ni.14 August 2018 Independence Day lawmna a Khuallian tura a Khawzawl a Pu Lalrinliana Sailo a kal tum a mipui hma a a lo lawmna thusawi tlangpui...

BIALTU MLA ZAHAWM TAK, PU LALRINLIANA SAILO KAN LO LAWM A CHE.

Kan Bial leh kan ram tana i hnathawh zozai kan hmuh hian vawiin ni hian kan thiam leh phak tawkin kan chawimawi a che. I hnathawh zawng zawng kan sawi seng lo. A tawi zawngin tihian ka'n sawi ang e.

1. Mi tamtak eizawnna nghet min siamsak a, in leh lo min dinsak a, eitur kan neih loh hlauvin hnathawh tur min pe a. Kan inchung a far a, min siamsak a, kan kawr tet thuina tur khawl chenin min pe a. I chungah kan lawm e.

2. Tuiin tur hnianghnar kan neih theih nan theihtawp min chhuah sak a, Khawzawl khawchhung tui pump nan cheng Vaibelchhe 25 dawn seng a hma min laksak te hi kan va lawm tehlul em ! Sialhawk a Cheng Vaibelchhe 20 dawn sen na tur Solar Water Pump min ruahman sak rup rup mai te, Khawhai leh a chhehvel tana Tuichang Pump chhohna tur min han chhawp sak te hi theihnghilh theih a ni dawn lo. Inkalpawhna kawng ngai pawimawh a PMGSY atanga tunhnai te Kum 2017-2018 chhung mai a i hmalakna liau liau Khawzawl to Neihdawn Vaibelchhe 8 chuang, Khawzawl to Ngaizawl cheng vaibelchhe 8 chuang Khawzawl to Tualpui Vaibelchhe 8 chuang, Khawzawl to Hmuncheng Vaibelchhe 16, Khawhai to Lungtan Vaibelchhe 5, Khawhai to Tlangpui Vaibelchhe 11, Khawhai to Riangtlei Vaibelchhe 12, Khawhai to Vangtlang Vaibelchhe 10 dawn hmanga hma an la mup mup mai te hi ropui kan va ti em.! Khawchhung kawngpui min siamsak a. Kan fehkawng te nen lam min laih sak zozaite hi kan sawi seng lo.

Electric chungchang ah a thawktu ten tuilet hnu ah a awm thei tawh lovang a...an tih hial Sialhawl leh Khawhai khaw inhnaih te a Power Sub-Station cheng Vaibelchhe 4 chuang ve ve i dah te hi rin phakbak a ni asin. Tin tunah Khawhai ah Mizoram chhunga hmun 4 chauh a an dah National Intigrated Power Development Programme a cheng vaibelchhe 7 senna tur a tuna hma an la mup mup mai hi a ropui in a lawmawm kan va ti em !

Acricilture leh Horticulture lam ah theihtawp in hma i la a, kan phai ruam zawng zawng ah motor lut thei in hma i la a, Tractor leh khawl hrang hrang hmanga kuthnathawktu ten hna kan thawk thei ta hi ropui kan ti in kan lawm tak meuh a ni.

3. Kan hriselna turin theihtawp i chhuah a, Damdawiin tha kan neih theih nan nasa takin hna min thawh sak a, Khawzawl ah Damdawi In lian min sak sak a, Khawhai ah PHC min sak sak a, Sialhawk PHC ah leh Damdawi In ah Doctor leh Nurse tha tak tak min pe a, tin, kan bialchhung khawtin ah Sub-Center changtlung tak min pe vek a, Kan dam lohvin min kan a, kan harsatna i hnen kan thlen a, min ngaihsakin min thlamuan a, min tanpui thin. Khual ralah kan boral a, kan ruang kalna tur chenin min ngaihtuah sak a, kan va lawm em. Ka pu, chumai nilovin kan lusun manganna min tawrhpui thin a, min la ral leh zel te hi kan va thlamuanpui tak che em.

Health Minister i nihlai a India ram a Health Minister hnathawk tha ber chawimawina pawisafai keng tel lawmman tum 5 lai mai la thei tu, Bialtu MLA kan nei che hi kan lawm in Mizoram i ti hmingtha hi kan chhuang che a ni.

4. Upa ten Puan lum sin tur kan neih loh hlauvin puanlum leh Blancket min pe a, kan intihhlimna tur leh kan inkawmhlim ve na tur vawi tamtak min buatsaihsak a, eng ni lo te te hmeithai leh rethei te zah takin min en a, min chawimawi a, kan va lawm tehlul em.

5. Ka pu, pawl (NGO) chaklo bik nih kan hlauva i hnenah kan thlen a, kan mamawh phuhru turin theihtawpin min ngaihtuahsak thin. Keini hmeichhe pawlte hi min ngaihsak zual a, i bula awm kan thlahlel a, pu en a en lova thian ang maia kan en ta mai che hi mak min tih suh la, i lakah hian kan lungawi a ni tih min hriatsak ang che.

6. Lehkha kan thiam lo bik ang tih hlauvin zirtirtu nangma sumlehpai atangin min rawih sak a, school min sak sak a, Sialhawk, Khawhai leh Khawzawl leh khaw te deuh, Tlangpui Lungtan Riangtlei Vangtlang Tualte ah te High School Building thar tha takin min din sak a, Primary leh Middle School tam tak min sakthar sak a, Khawzawl College Building thar ropui tak min sak sak te, Higher Secondary School Khawzawl leh Khawhai Sialhawk ah te, VC leh khawtlang te inlungrual in Building tha tak kan nei ta te hi kan lawm takmeuh meuh a ni. In elna tha leh thianghlim kan neih theihna turin nasa takin min fuih a, kan hlawhtlinna min lawmpuiin, Incentive leh zirlai naupang te phur zel natur a pawisa fai leh lawmman tha tak tak i siam avanga kan result lo tha ta em em te hi kan lawmin mak kan ti hial zawk a ni. Kan kal zelna tura duhsakna hlan chungin Dictionary min la pe leh zel te hi i chhuanawm in a mak zozai mang e.

7. Infiamna min ngaihhlutsak a, min phurpui a, kan mamawh min pe thin. Kan ball tur min pe a, a hak tur min ngaihtuahsak a, kan lawmman tur chenin min ngaihtuahsak vek maite hi kan va lawm em. Infiamna hmunhma tur min la ngaihtuahsak leh zel a. Field tamtak min laihsak zozai te hi aw...

8. Ka pu, Pathiana innghat tlat nun i nei hi ropui kan tiin kan chhuang a che. Kan tan i tawngtai fo thin tih kan hria a, keini pawh i tan kan lo tawngtai reng ang. Kohhranho leh pawlho min ngaihtuah a, kan inkhawmpui lian zawng zawngah kan pur che a, Pathianin a hre reng che a, mal a sawm che a, chumi zar chu zovin hneh tak leh hlim takin inkhawmpui chi hrang hrang kan thleng a. Pathian leh i zarah min siamtu Pathian kan fak a, hlim takin kan lam thin a sin.

Vawiin kan hun tawiteah hian kan tana hna min thawhsak zozaite hi kan sawi seng dawn lo.

A tawp berah chuan... Kan zavai hian i chungah kan tlangnel em em a, Pu ang pawh ni lovin thian angin kan en vek mai che a. I inah kan lokal a, min lo hrai puar a, kan duh hun hunah kan phone che a. Tha takin min lo chhawn vek mai a, Tichuan, chin tawk kan nei lova, kan nawrh khum che a, kan tihtauh khum che a. Chutichung chuan, kan phak tawk a ni tih min hriat sak a, min huatphah lova, kan lawm e. I lakah hian bat lian tak kan nei theuhva, chu kan bat chu pe let ve tur che in leh la hre velote hriattira nasa taka hnathawk turin vawiin atang hian i tan theihtawp kan chhuah leh dawn tih vawiina lokal khawmte aiawh hian ka han hriattir a che. Lo zam reng reng suh ang che aw...!


Lalnunnemi 
Khawzawl Arro veng.

No comments:

Post a Comment

Post Bottom Ad