COMMERCE & INDUSTRIES DEPARTMENT THUCHHUAH - TIMES OF MIZORAM

Breaking

Home Top Ad

Post Top Ad

COMMERCE & INDUSTRIES DEPARTMENT THUCHHUAH

Commerce & Industries Department chuan a hnuai ami ang hian thuchhuah a siam -

Mizoram Sawrkar THUCHHUAH

Ni 28th September, 2018 a All Mizoram Farmers Union (AMFU) Mizoram ten kawng zawh hial huaihawta Sawrkar nawr an tumna chhan pakhat hi Agricultural Produce Marketing(Development & Regulation) Committee (APMC) Act / Agricultural Produce And Livestock Marketing(Promotion & Facilitation) Act (APLM) Sawrkar-in rang takin siam se tih an duh vang a ni ber a. Hetianga All Mizoram Farmers Union (AMFU) ten Sawrkar nawrna atana kawngzawh an huaihawt hi thil awm tak leh an tih awm tak a nih rualin, he dan hi dan pawimawh tak mai, kan rama kut hnathawktu leh loneitute thlai tharchhuah mumal zawk leh felfai zawka hralh theihna tur atan a nih avangin uluk taka zirchian fe ngai a ni a.

Tuna Central Sawrkarin India ram state hrang hranga hman nise ti a Draft Model Agricultural Produce And Livestock Marketing(Promotion & Facilitation) Act (APLM Act) a duan hi thil tha tak a nih rualin kan rama kan hman ve atan dan him a ni em tih uluk taka kan zirchian a, he dan in a kaihhnawih tur Department hrang hrang-Agriculture, Horticulture, AH & Vety, EF&CC, Fisheries, Soil, Land Resources Water Conservation Department te nena uluk tak leh chipchiar taka hman a nih huna a nghawng tur leh kaihhnawih tur thil chi hrang hrang zirchian fe hmasak ngai a ni a. Heti ani chung hian Commerce & Industries Department chuan theihtawpa chak leh tha thlah lovin he Dan hi a rang thei ang bera passed a nih theih nan hma a la ani. Chutianga hmalak anih avang chuan tun dinhmunah hian Law & Judicial Department te chuan he Draft Agricultural Produce And Livestock Marketing(Promotion & Facilitation) Act (APLM) Act hi an vetted tawh nghe nghe a, chuvang chuan, he Draft Act hi tunah hian Cabinet Meeting a pharh maitheih a peih ani tawh ani. - DIPR

No comments:

Post a Comment

Post Bottom Ad