TURINI LEI CHIM CHHUINA CHUNGCHANGA SAWRKAR THUCHHUAK
Sawrkar chuan National Highway - 150 a Tuirini Leidawh chim chhuina chungchangah hmalakna kal mek zel tarlangin thuchhuah a siam.
February Ni 13, 2018 zing daar 9:30 vela Sesawng leh Khawruhlian inkara Tuirini lei chim chhui chiang turin Sawrkar chuan February Ni 22, 2018 khan Dr. A. Muthamma, IAS, Deputy Commissioner & District Magistrate, Aizawl District chu a ruat. He Magisterial Inquiry bakah hian 'Internal Departmental Inquiry' ti turin Engineer thiam bik pathum chu March Ni 20, 2018 khan ruat leh an ni bawk a. Magisterial Inquiry latu hian amah pui turin IIT, Guwahati a ruat bawk a ni.
Tualchhung chanchinbu lama a Ian danin mi thenkhat in Magisterial Inquiry Report hi a chhuak har tawh niin an ngai a. Magisterial Inquiry Report hi chu May, 2018 khan dawn tawh a ni reng a. Amaherawhchu, a Report pawimawh zawk, a 'technical' lam Report, IIT, Guwahati siam hi July, 2018 khan dawn chauh a ni. Tin, heng Report hi sawrkar tihdan phung pangngai in a Officer concern hnenah pek niin 'representation' thehluh nun pawh pek a ni a, 'representation' hi 3.8.2018 khan dawn a ni. Chu mai bakah, a 'representation' thehluh hi lei chim laia a controlling officer hnenah pek niin a ngaihdan zawh leh a ni. A controlling officer ngaihdan hi September Ni 17, 2018 khan dawn chauh a ni a. Mi thenkhatin a changtu Minister hian Report hi a tikhawtlai angah an ngai hi a dik lova, tihkhawtlai emaw hupbo turn chhan tur a nei lo a ni.
Magisterial Inquiry Report leh Internal Departmental Inquiry Report bakah IIT,Guwahati Report hi dawn kim tawh niin zirchian a ni a, he lei chim chhan tak hi a mimal chuan tumah puh a awm chiah hran lo a ni. Amaherawhchu, lei chim chhan ni chiah lo 'procedural lapse' engemaw chu awm ngei niin a lang. Entirnan, lei dawn a nih laiin mihring danna (barrier) te pawh dah a ni lo niin a lang. Tin, 'minor procedural deviation' pawh awm ni a ngaih a ni.
Heng report hian lei chim chhan tak hi sawi fak lo mahse 'procedural lapse' leh 'minor procedural deviation' a awm takah chuan he lei dawhtu zinga an hotu ber lakah hian disciplinary proceedings draw turin sawrkar chuan hma a la mek a ni.
TUIRINI LEICHIM HUN ATANGA TUNTHLENGA HMALAKNA KAL MEK
13.2.2018 - NH-150 a Tuirini Lei ( Bailey Bridge) chu chawhma, Dar 9.30 bawr velah a chim.
22.2.2018 - Notification chhuahin Magisterial Inquiry ti turin Aizawl District Bawrhsap Dr.A. Muthamma, District Magistrate ni bawk chu Inquiry Officer atan ruat a ni a. A hna thawk zo turin thla 3 pek a ni.
20.3.2018 - Internal Departmental Inquiry din a ni a, Master Degree nei thiau, Er H. Zoramliana, Er Hrangthanga Zote leh Er R. Lalpeka te chu thla 3 chhhunga Internal Departmental Inquiry thawk tura ruat an ni.
22.5.2018 - Magisterial Inquiry Report thehluh a ni.
30.5.2018 - Member Secretary, Internal Departmental Inquiry chuan an thathawh hun chhung pawhsei sak a dil a. Dt 15.6.2018 thleng hun pek an ni.
14.6.2018 - Sawrkar hnenah Internal Departmental Inquiry thehluh a ni.
3.7.2018 - Aizawl District Magistrate in IIT, Guwahati in Report buatsaih chu sawrkarah a hlan chhawng.
16. 7. 2018 - Magisterial Inquiry Report leh IIT, Guwahati in Report buatsaih te chu SE Concerned hnenah pek a ni a. A ni hian sawi tur a nei a nih chuan heng report pahnih a hmuh ni atanga ni 15 chhungin Representation a thehluh a ngai a ni.
1.8.2018 - Concerned Officer in hun pekbelh a dil.
8.8.2018 - Concerned Officer ngenna angin ni 14.8.2018 thleng hun pawhsei sak a ni.
3.8.2018 - Concerned Officer in Representation a thehlut.
16.8.2018 - Concerned Officer in representation a thehluh chu Concerned Officer tana controlling officer, Er K.Lalsawmvela hnenah a ngaihdan lak turin pek a ni a. Hemi rual hian Magisterial Inquiry Report, IIT, Guwahati in Report buatsaih leh Internal Departmental Inquiry Report pawh Er K.Lalsawmvela pek tel nghal a ni.
17.9.2018 - Er K.Lalsawmvela'n a thil hmuh dan leh ngaihdan te ziakin Deputy Secretary, PWD hnenah a thehlut. - DIPR
Post a Comment