Tangrual Pawl ZPM Chief Ministerial Candidate Pu Lalduhoma chuan Congress sorkar mek chu beih a ngai lo a, an dam lova, Intensive Care Unit (ICU)-ah an awm a, an marphu an dek mek tih a sawi.
Nimin khan ZPM Office Aizawlah thu sawiin Pu Lalduhoma chuan, Pathian leh Kohhran ho hmusittu te kutah Mizoram a kun mek a, Kohhran a rawn loh tur thu te, Zu zawrh chu kohhranho tawngtai chhanna a ni tia sawitute chu roreltute ni leh turin hian Pathianin a ruat nawn leh tawh lo ang a ti a, MNF party chu mi hausa ringawt candidate zawngah puhin, hetiang mi an zawn avangin Assembly Constituency pakua (9)-ah an in ‘set’ hlum mek a ni a ti bawk.
Tangrual Pawl ZPM Chief Ministerial Candidate Pu Lalduhoma chuan Congress Chu ICU Ah A Awm Mek Tih A Sawi
15th Finance Commission Chairman N.K Singh-an kum 2020-2025 Infrastructure Development Fund an buatsaih mekah rawtna point 23 a thehluh tawh thu sawiin, Pu Lalduhoma chuan, Infrastructure Development Fund a hranpa in min siam sak tur leh a bik taka chawikan ngai a nih thu te a thlen tih a sawi a. Brig T.Sailo hma lo lak tawhna sawi nawnin Aizawl West-I bial Sairang-a Sawhthing herna khawl a lo din tawh Congress sorkar-in a tih zuzi chungchang sawiin, Thenphunga damlai lung a phun lo ang titu in engtin nge an tih hlamzuih tih a zawt tih a sawi bawk. (Press Release)
Post a Comment