DISTRICT POLITICS THLIRNA - MIZORAM POLITICS

DISTRICT POLITICS THLIRNA - MIZORAM POLITICSDISTRICT POLITICS THLIRNA (Ka thlirna liau liau)David Sailo


PEK AN NI DIAM TAWH 
Saitual, Khawzawl leh Hnahthial te hi District pek a tul lo ti kan tam viau mai. He thu hi sawi hun tawh niin a lang lo. 2008 ah Sorkar Order (Gazette) thlapa pek an ni tawh a, Function tura bawh zui leh bawhzui loh hi kan inhnialna tur zawk a ni.

TINGE ORDER HI AN SUT MAI LOH
He District pekna Order hi kum 10 chhunga bawh zui si lo leh sum dinhmunin a tlin lo ti chung reng hian tinge Cancel a nih mai loh. A thu a leisak tawh, a tak ram pe duh si lo hi a ang ber mai. Bial pawn atanga a tul/tul lo ti a kan thlir sak ang hi a ni lo maithei. Miin a fate thil leisak a tiam a, kei nin a tul lo hle lo tih sak ngawt theih a ni lo. Pek ni lo se tiang tak hian an tang kawh bik lo maithei. Pe bawk si, Function tir si lo, Cancel bawk si lo karah an awm a, a hmalatu kawmte tan chuan luhai thlak ve tak tur a ni.

BIALTUTE A NGHAWNG TAN 
Saitual(Tawi Bial) bialtu Pu R.Lalzirliana chuan he Issue chhuanlam hian banna a thehlut ta nge nge a, Last Minute ah Tawlhloh puan hial an bahtir phah ta. Tunah chuan thutiam hlawhtlin loh vanga Tawi bialah ka Politics a tawp titu chu Tawi bialah lal thar anga lawm a hlawh ta mek a, an Party ah erawh Hero to Zero niin hnawhchhuah hial a tawk ta.

Pu Lalrinliana Sailo hi Tuichang bialtu a ni a, Khawzawl District Function a ni lo chu Pu Zira ang bawkin a rawn vaw lian leh tan a, a khingpui tur Pu Tawnluia chu Vote 3000-4000 laia a hneh loh a inring hial tawh a ni. Khawzawl hi District Function a nih loh chuan a tuar dawn tiin a sawi tluk a ni.

Hnahthial bialtu Pu John Siamkunga hi thawm neilo ber leh Sorkar kar ve lo ber a ni a, Ministry ah chuan thuawih thei tiin a tlatlum viau maithei a, a Bialah erawh a chuti lua lo maithei. Bialtu MLA theuhte a nghawng lo thei lo a, an pathum zingah hian Pu John Siamkunga tih loh hi chu an tum a hriat ruai tawh a ni.

PARTY A NGHAWNG DAN
Congress a nghawng nasa ber a, Rorel lai an nih avang leh kum 10 chhunga kut an thlak loh avangin an tuar mek a ni ber. Vice Predident hnawhchhuah a ni a, amah zuitu hrang hrang hnawhchhuah zui an nih bakah mahni a bang an awm phah zut bawk. Pu Zira hian Party luhna nei leh se luhpui a nei nualin a rinawm a, hnawhchhuah hi an pun belh a rinawm. Pu. Lalrinliana Sailo hi Tuichangah ka tan dinna chi a ni tawh lo a tihna tluk a ni a, hetih rual hian an Party Administration chu diriam zawngin a sawi zeuh zeuh bawk. Hnawhchhuah a huam tih a hriat a, mahse Pu Zira boruak vang hian hmaisen tunin an la insum ni berin a lang.

MNF hi District chungchanga Advantage la nasa bera ngaih an ni. Order chhuahtute an ni a, kan ti hlawhtling dawn ti a huai taka an Campaign avangin he Bial Pathumah hi chuan Congress boruak ti chhetu hi an chakna hnar tur niin a hriat theih. An ni hi thil tiam huai ber Party an ni hrim hrim bawk.

ZPM hian hetiang Issue lian tham Ruling Vice President meuh ban phahna ni a langah hian thawm an chhuah miah lo leh ZPM anga an ngaihdan puanzar a ni miah lo hi a mak angreng. Mipui hian District pathum chungchanga an ngaihdan hriat ve kan chak a, chumai ni lovin heng District pathum huam chhunga ZPM hruaitute hian an titi ber District chungchangah hian enge an auhla ni ve ang?

DISTRICT CHHUANLAM A AWM THEI
Pu Zira hian Tawi bialah din a tum tawh loh thu a sawi hnu ah Bial dang a thlir a, remchang a awm thei si lo. Party hotupa ber nen tlang hriatin an boruak a chhe chho tial tial bawk si. Ram, District nilo ama hmalam thlir ranin District leh Ram a rawn chhuanlam chho ta a ang hle. Hei hi a huam chin chhunga awmte tan chuan lawmawm a ni tho si. Pu Zira hi Plan mumal leh fing takin a indawt dan mawi takin a che a, Pu Hawla hi a Game ah a hruailut chho zel a tih theih. Pu Hawla hian Pu Zira deu nan District hi Function tir hnuhnawh thut se, Pu Zira lal lukhum a ti chhah zual sawt ngei ang. Tawi ah chuan inthlan hma hauhin a lehthal vek a tih theih. A ban chhan ang takin District Function ngei tum MNF a zawm ngei a rinawm a, tute emaw a la nghak ni berin a lang.

Pu.Lalrinliana Sailo pawh hian Game fingtak a Set mek a, Khawzawl Block pakhat hruaituin na taka a beihna leh Bhavan lama lo tuipuitu an awm zel avanga a lungawilohna chu a lian telh telh a, District bawk chhuanlama hmangin boruak a siam leh dawn tih a rin theih. A Plan anga a kal fuh chuan a Game ah Congress hi a hruailut ve leh maithei, inthlan a hnaih tawh avangin. Opposition ah pawh ZPM pawhin an sawi that ngam loh hi Congress MLA leh Party GS meuh hian fiamthu nana hmangin pawisak nei miah lovin a tawng mek a ni. A thiankawm leh Social Media a a thlalak tharlam hmuh hian Chalfilh lam sawihmuhtu MNF lam hi a awn mai awm mange a tih theih. Zuitu a nei ve nualin a rinawm a, tu nen emaw an inthurual ngei a rinawm bawk.

Keinin District pek hi an awm e, awm love kan lo tihpui ngawt hi ni berin a lang tawh lova, anmahni huam chinah chuan Party pawh sawi lova thihthaa an beih tawh miau avang hian Politics a nghawng chho zel lo thei lova, thildang pawh Last Minute ah la thleng zel thei a ni. Thlir zel phawt ang aw...

Post a Comment

0 Comments