Thingsulthliah Students’ Union leh Thingsulthliah Thalai Pawl Thuchhuah - TIMES OF MIZORAM

Breaking

Home Top Ad

Post Top Ad

Thingsulthliah Students’ Union leh Thingsulthliah Thalai Pawl Thuchhuah

Thingsulthliah Students’ Union leh Thingsulthliah Thalai Pawl 

Thingsulthliah Thalai Pawl ThuchhuahPRESS RELEASE 
Date: 28th September, 2018

Thingsulthliah Students’ Union leh Thingsulthliah Thalai Pawl te chuan Kan khua Thingsulthliah dinhmun kan thlir hian, hmasawnna hmuh tur a vang kan ti hle a. Kum 10 dawn Mizoram Sorkar a Number 2(two) hial ni pha, Home Minister meuh bial kan ni chunga hmasawnna hmel hmuh tur awm miah lo mai leh, Election dawn thlenga a thil min tiam te tih hlawhtlin a la nei miah lo mai hi a rilru nat thlak kan ti hle a ni.


Kan Bialtu MLA Pu R.Lalzirliana’n Thingsulthliah khaw mipui hnena a thil lo tiam te, a bial mipui te min lo enkawl dan te, min lo dawnsawn dan te leh Thinsulthliah khaw tana a hnathawh thin tlem a zawng chu hetiang hi a ni e:
1. Kum 2013 MLA Election dawna Thingsulthliah Community Hall a, Tawi Biala MLA in-candidate te puala common platform, MPF-in a buatsaihsaih tum khan heng a hnuaia mi te hi min tiam a ni:
(a) Football playground puitling: Tun thlengin football playground puitling hi Thingsulthliah khuah siam a la ni lo.
(b) Tuirini/Tuirial tui pump: Thingsulthliah khuaa tui supply tur Tuirini/Tuirial tui pump chu tun thleng hian tih hlawhtlin a la ni lo va. Engineer-In-Chief office, PHE Deptt. in RTI hmanga zawhna a chhannah, PHE Deptt. in Tuirini/Tuirial pump tum a hriat loh thu te, sum ruahman a awm loh thu te leh file kal eng mah a awm loh thu a tar lang a ni.

2. Community Hall: Bilatu MLA leh a contractor duhthlan hmangin Community Hall sak a ni a, brick te chu a bawk zawng a rem tur a nih laiin, a chhawng zawng a rem a ni a. “Badminton khelh theiha sak ni thei se,” tih rawtna leh Hall chu uluk zawka sak a nih thei nan a, ngenna siam a, amah zuk dawrtute chu, “Nagni lo sawi ve tur a awm lo,” tiin a lo vin hrep nghe nghe a ni.
Thingsulthliah Community Hall hi a chhiat em avang leh duhthu a sam loh em avangin MNF VC te leh Congress VC te chuan an term chhungin official taka hawn tlakah an ngai lo va, tun thlengin hawn a la ni lo a ni.


3. Damdawi In: Thingsulthliah damdawi in hun rei tak Community Health Centre anga function lo ni tawh kha, Primary Health Centre-a dah leh niin, a thawktu tam tak sawn chhuah an ni a, heti chung pawh hian, Community Health Centre kan neih leh theih nan theih tawp min chhuahpui ngai lo reng reng a ni.

4. Saitual District Chungchang: Thingsulthliah tlangdung (Phulmawi, Tlungvel, Darlawng, Thingsulthliah, Thingsul-Tlangnuam, Seling, Sesawng) VCs, NGOs leh poltical party kal khawm te chuan Saitual District a lo piang a nih pawh a, ‘Saitual District huam chhungah awm loh nise’ tiin thu a lo pass tawh mai bakah, hma latu tur Joint Action Committee (JAC) lungrual takin a din nghal a. 
Heng khaw 8-in lungrual taka JAC a din a, a hruaitute amah zuk dawr tute hnenah, “In lo sawi ve tur a awm lo. In tlangdung (Thingsulthliah, Thingsul-Tlangnuam, Seling, Sesawng, Phulmawi, Tlungvel, Darlawng) VOTE lo pawn ka tling thei, min lo VOTE tawh suh u,” tiin hmusit takin a lo tawng khum a ni.
Thingsulthliah mipui te chuan Saitual District-a min awm luihtir tumtu MLA kan nei hi lungchhiat thlak kan ti a ni.

5. A thusawina hrang hrangah ‘Saitual Constituency’ tih tawngkam a hmang fo mai hi Thingsulthliah tlangdung mipui ten an ngaimawh hle mai a. Hei hian Tawi East (Saitual tlangdung) lam a ngaihsak bikzia leh Tawi West (Thingsulthliah tlangdung mipuite) a hlamchhiah zawkzia a tilang a. |awi East tan ‘Home Minister’; Tawi West lam mipui tan chuan ‘Away Minister’ a lo ni a ni.

6. Thingsulthliah Higher Secondary : Pu R. Lalzirliana hian, “Keimah vangin Govt. Higher Secondary School in nei lo va, keimah vangin in nei ang,” tiin zirlai naupang leh mipui hmaah a lo tiam tawh a; mahse, tun thleng hian Thingsulthliah hian ‘Govt. Higher Secondary School’ kan la nei chuang lo a ni.

7. Thingsulthliah khawtlang ni pawimawh leh nghahhlelh ber, Grouping kum 50-na hriat rengna hun leh Thingsulthliah khaw kum 125-na lawmna hunah Bialtu MLA, Home Minister ni bawk Pu R. Lalzirliana hi khuallian atan sawm niin, inbiak rem vek a nih tawh hnuah, chawpchilh takin a dam loh thu chhuanlamin min thulhsan a, mahse, MZP Gen.Hqs Library hawnna-ah te leh Congress Office kum tawp kharna programmme-ah chuan a kal leh thei tho si a ni tih Thingsulthliah mipuiin an hriat a, a hmuhin, an rilru a na a ni.

8. Kan Bialtu MLA hian amah dawrtu a bial thingtlang mipui te tham lo tak tak leh tawngkam mawi lo tak tak, MLA/Minister tawngkam ni awm lo tak a, lo hauh leh lo chhan a ching hi, Thingsulthliah tlangdung mipui rilru a na hle a ni.


Thingsulthliah Students’ Union leh Thingsulthliah Thalai Pawl chuan Political party te tun MLA election-ah an lo sorkar a nih chuan, heng a hnuai a point chi hrang hrang te, tiam thei lo leh tihlawhtling thei lo tur Political party te chu Tawi Constituency-ah Candidate siam ve lo turin a ngen a, an lo siam a nih pawhin Thingsulthliah tlangdung mipui Vote beisei lo turin a hriattir a ni.
1. Thingsulthliah Damdawi In hi Community Health Centre puitling (under State & Central Government) a hlan kai nghal.

2. Thingsulthliah Higher Secondary School hi Sorkar-ah hlan kai nghal.

3. Thingsulthliah tlangdung mipui tan tui hnianghnar taka supply.

4. Saitual District hi tihpuitlin a lo nih pawhin, Saitual District-a awm duh lo khua Thingsulthliah tlangdung (Phulmawi, Tlungvel, Darlawng, Thingsulthliah, Thingsul-Tlangnuam, Seling, Sesawng) khua te hi Aizawl District a awm zui zeltir.

5. Thingsulthliah khuaah Football playground puitling, Badminton & Table tennis khelhna tur Hall tha tak, Basketball & Tennis Court tha tak siam.

Sd/-
(R. LALREMLIANA) 
President 
Thingsulthliah Thalai Pawl

Sd/-
(LALRINPUIA) 
Thingsulthliah Students Union

Post Bottom Ad