AIZAWL NORTH II BIALA ZPM CANDIDATE TUR DR VANLALTHLANA HI TU NGE?
Tunah hian ZPM chuan Aizawl North-11 an viltir mek, a chanchin tlangpui hre duhte tan aw
Pa hming : Rev. C. Biakmawia
Nu hming : Zapari
A Nupui : Evelyn Lalhmangaihi
D/o Dr. Lalremthanga, Durtlang
Address : Ramhlun N, Aizawl
Thiamna : Ph.D (Investment Finance)
Hnathawh : Head, Department of Commerce - Pachhunga University College
NIHNA CHELH MEK LEH CHELH TAWHTE:
1. President - Rotaract Club of Aizawl (1995-96)
2. OB post hrang hrang - KTP, Ramhlun North Branch - Kum 9 chhung
3. Certified Financial Education Resource Person under Securities and Exchange Board of India (Mizo zinga a hmasa ber)
4. Master Trainer, Mizoram State Entrepreneurship Development Monitoring Committee (MEDMOC), Govt. of Mizoram
5. Puitling Deptt Zirtirtu(SS) - Ramhlun North Kohhran
6. Finance Secretary, Mizoram Consumers Union Hqrs - till date
7. Asst. Secretary, Mizoram Basketball Association - till date
8. Treasurer, Save Chite Lui Committee - till date
LEHKHABU ZIAH:
Sum Peipun leh Khawlna Lamtluang (2008)
AWARD DAWNTE:
1. Rotary Youth Leadership Award- 1995 (Rotary Club of Raipur)
2. Gold Medal (1st Rank)- M.Com, Mizoram University
3. Bharat Vidya Ratan Award - 2017 (International Business Council)
Dr. Vanlalthlana hi nu leh pate thuawih thei leh mi hawihhawm tak a ni a. A pa hnathawhna avangin veng hrang hranga an awm hnuah, tunah hian Ramhlun North-ah a nupui fanaute nen in hrangah an khawsa a ni. St. Paul’s High School-a a kal laiin NCC lamah Sergeant a ni chho a. Pre-University College a kal laiin an senior-te (BA ho) nena Rotaract Club of Aizawl (Rotary Club of Aizawl hnuaiah) an dina, President ah thlan a ni.
A rawlthar lai atanga kohhran leh khawtlanga inhmang chhovin, KTP Ramhlun North Branch-ah kum 1 awrh Branch Committee member a nih hnuah OB-a thlan tlin nghal a ni a. Veng chhunga mitthi an awm apiangin, Aizawl-a a awm phawt chuan, thlan laih a hmaih ngai lo. Mizoram pum huap pawlah (MCU Hqrs/MBBA/SCLCC) a inhman nasat avangin a duh angin khawtlangah a inhmang tam thei thin lo thung. Inneihna senso tih tlem tha titu a nih avangin, kum 2010 a Biak In hawnga nupui a neih pawh khan, officer ni chungin, lawmpuitu mipui tan ruai a theh lo ngam ngat a ni!!?
Pu Mathlana hi mi taima tak leh lemziah lama tui tak niin Zoram Tribune leh Zalen chanchinbuah te Cartoon a lo ziak tawh thin a; pawl 10 a pass hnuah a nu leh pate tibuai miah lovin ama thuamhnaw leina tur chu mi hnuaia inhlawhfa leh lemziah hralhna atang tein a tuak thin. Mi tum ruh tak leh tuar chhel tak mai a ni a. B.Sc. rei lo te a kal laiin Commerce lamah a tui tlat avangin Calcutta University hnuaiah B.Com a zir ta zawk a. B.Com a pass-na a hniam deuha a hriat avangin NEHU hnuaiah Hrangbana College atangin B.Com. a zir chhuak leh ngat a. Mizoram University hnuaia M.Com-ah in admit lehin Gold Medal (1-na) a la nghe nghe a ni.
Ram a veina a rei tawh hle mai a. Kum 2007 khan a thalaipuite nen Youth Movement for Mizoram (YMM) dinin sorkar tha zawk a awm theih nan hma an lo la tawh a. Mi retheite leh chhumchhiate a hmuh hian a rilru a nain, anmahni khai chhuahna tur atan ke pen ve thei dinhmuna a awm huna tlanchhe ngai lo mi a ni. Tunah pawh hian, chhan tam tak karah ‘Sem Policy’in Mizo mipuite rilru a tihkhawloh bakah thangthar lo awm zel turte tana hmabak thim tak a awm theih dawn avangin ZPM sawmna chu huphurh tak chungin a pawm ta a ni. ~ Lalhnehzauva Zautea Tlau
Post a Comment