BJP IN THAWHPUI NEIH AN TUM LO - RAM MADHAV - TIMES OF MIZORAM

Post Top Ad

3 Oct 2018

BJP IN THAWHPUI NEIH AN TUM LO - RAM MADHAV

Central sorkar, Pu Narendra Modi kaihhruaiin thingtlang hmasawnna tur scheme a siam te a taka hmang turin BJP in Mizoramah hma a la dawn tih BJP National Gen Secy, NE States Ram Madhav chuan a sawi.

Nimin khan thuthar thehdarhtute Aizawl-ah kawmin Pu Madhav a chuan Mizorama Assembly bial 40 ah a tam thei ang ber candidate neih an tum thu leh thawhpui neih an tum loh thu a sawi a, amaherawhchu vote tlak dan a zirin, thawhpui theih an neih chuan thawhpui an hnial lo tih sawiin, Inthlan hunah pawh Party dangte nen thawhho dan tur an ngaihtuah a, tute nge an thawhpui ang tih la chiang lo mahse Mizoramah hian BJP telna Sorkar siam ngei a ni ang, a ti.


NED hnuaia BJP thawhpui MNF leh NPP te nen inthlanah hian an in hmachhawn dawn tih sawiin, an thawhho tur leh tur loh chu inthlan hnuah chauh a hriat theih ang a ti a ni.

Congress sorkarin a awp retheih em em tawh Mizoramah danglamna thlen turin hna an thawk tih a sawi a, Chief Minister Pu Lalthanhawla chuan hmasawnna kawng zawh lovin, mirethei te nasa takin an rum mek ani tih an hria a ti a, hmasawnna ruhrel tha hmuh tur a awm lova, Mizoram District pahnih - Aizawl dawt a khawlian ber pahnih a tlawh thu leh kalkawng a chhiat thu te a sawi a, Champhai chu Darjeeling of Mizoramah ah an siam thei dawn a, Khualzin mite hip thei tura siam theih a ni a ti.

BJP in Sorkarna a chan chuan Kristian te tan a hlauhawm ang tih hi chu inbumna mai a ni, a ti a. North East ah hian BJP kaihhruai Sorkar State 6 ah a ding mek a, Mizoram chiah hi BJP tel lohna Sorkarna awmchhun a ni a. Congress hruaituten BJP an beih dan chu a tenawm hle a ni a ti a. BJP chuann sakhua lam a thluk lova, Mizo nunzia danglam tak chu a ngaisang a, a zah em em a ni, a ti bawk. -AIR News Aizawl

No comments:

Post a Comment

Post Bottom Ad