CADC thiah anih theih nana CYMA kawngzawhah MZP President thusawi - TIMES OF MIZORAM

Breaking

Home Top Ad

Post Top Ad

CADC thiah anih theih nana CYMA kawngzawhah MZP President thusawi

MZP President Ramdinliana ThusawiMZP President Ramdinliana Thusawi: Vawiin ni ah CADC(Chakma Autonomous Dictrict Council) dan lo anga din, dan anga thiah a nih theih nana CYMA buatsaih a Mizoram hmun hrang hranga Mizo thalaiten Kawng kan zawh hi a lawmawm hle a, kan ram leh hnam humhalh na tura ke kan penchhuak thei a kan awm hi kan vannei hle a ni. CADC hi Mizo mipuite hian kan duh lo hle a mahse dodalna kan la lan tir miah lo a, vawiina a bul tan nan CYMA bultuma Mizo thalaiten kawng kan zawh hi a lawmawm hle a ni. Chakma(Takam) te hian Khawvel ah hian ram an nei lo a, duhsak uchuakna avangin kan mi hmasa te khan Mizoram chhungah Autonomous Dictrict Council an lo pe a. Mizoram, Mizote ram hi zalen taka an awm theihna hmunah a lo chang ta a ni.

Chakma te hi kum 1901 chhiarpui-ah chuan mihring 198 chiah an awm a, hun a kal zel a 1981 chhiarpuiah chian mihring 40000(sing li) vel an awm hman tawh a, 1991 chhiarpuiah chuan 80000(Singriat) an chuang tawh a ni. 2011 chhiarpuiah phei chuan 96972 an awm tawh a, an pun zel dan en hi chuan Mizoram chhungah Chakma te hi tunah hian 150000 vel an awm rin a ni. Heta lang chiang ta em em mai chu Chakma te hi inthlahchhawn pangngai a pung, piangpung an ni lo a, pempung an ni tih hi a chiang hle a ni. A awmzia berah chuan Mizoram chhung a Chakma tamzawk hi foreigner an ni tihna a nih chu.

CADC Area Borapansuri khuaa Zofate Chawlhbuk MZP in sak kan tum a, Chakma Council area a nih avangin min dodal nasa hle a, amaherawh chu tha rum hmanga kan beih avangin dodalna nasa tak karah kan sa puitlin thei ta a ni. An council huamchhungah MZP in Zofate Chawlhbuk kan neih avangin kan va tlawh fo thin a, dan lova din Chakma khaw hrang hrang te leh Chakma khua thahnem tak kan va tlawh thin a. Kan hmuh chhuah chian em em chu Bangladesh atangin Chakma thahnem tak Mizoramah an lo pemlut a ni tih hi chiang takin a hriat theih a ni. Kan Missionary pakhat kan thianpa chuan karkhat chhung hetah hian lo awm ve ula in hmu chiang ve khawp ang a ti nghe nghe a ni, Missionary khan dawt a sawi ka ring lo. Bangladesh atanga lo pemlut apiang sawn Kristian te, Chakma vek pawh nise an ngai thei lo lehzual a ni. Chakma council area a Zohnahthlak khaw awm te saw an endawng hle a, Sorkar atanga hamthatna, khua in a dawn tur ang chi hrang hrang te an pe ve phal ngai lo a, Mizo school te chu siamthat sak an ni ngai lo a ni, hemi chungchang pawh hi kan Sorkar thuneitute hnenah vawi tam thlen a ni tawh a kan din hmun chu a la dang lam chuang lo chu a nih hi.....

CADC Area ah hian Kristian hmuhsitna leh beih na a nasa em em a, Chakma tan lo chuan In leh Lo a neih theih lo a, kan Missionary ten Biakin leh Quater an sak pawh a hmun kha hawh chawp zel a ngai a. Tunlai hian hengte pawh hi hnawk an ti viau a ni. 2014 khan Barapansuri-ah Zofate Chawlbuk sak a ni a, khalai hun ai kha chuan tunah chuan Kristian te Biakin pawh hnawk an ti sawt viau tawh a ni. An council thunei tute hian a teh sak an teh sak tawh thin a ni. Kristian te hnenah Kristian in nih chuan Council atangin development kan pe lo ang che u tih te in an lo vau a, Kristian sa pawh Kristian atanga in ban chuan development kan pe ang che u te an ti a. Khaw thenkhatah chuan Kan missionary te ration card te an siamsak duh lo a, Ni 100 in hlawhna tur ang chi NREGS atanga lo kal te pawh an thawh an phal lo a ni. Missionary ten in luah tur pawh an hnawng a, Khaw pakhat kan tlawhna KURBALASORA khuaah phei chuan kan Missionary phei chuan in luah tur a hnawng a, a in luahna ten an hnawkchhuak a, in luah tur a hmuh loh avangin Biakin an chen chilh tawp nghe nghe a ni. Vawiin ni a ka sawi duh chu Christian ram Mizoramah ngei Christian ten hmuhsit leh endawng leh vau kan tawk hi a na kan tih a. Kan missionary ten Christian rama Zalen taka rawng an bawl thei lo hi pawi kan tih a hun tawh hle a ni. Kristian ram Mizoramah Christian te hmuhsit leh vau an tawh loh nan leh kan missionary ten zalen taka rawng an bawl theih nan Mizo thalaite hi kan penchhuah a hun tawh a ni.

NGO Coordination Committee chuan Mizoram chhunga Political Party zawng zawng te MLA election lo awm turah hian Chakma candidate siam lo turin a lo ngen tawh a, NGO Coordination Committee in Political Party te a ngenna kha vawiin ni ah pawh hian a la ngai reng a, vawiin ni-a NGO Coordination Committee hminga ka sawi duh chu Mizoram Political Party tin te Chakma Candidate siam lo turin kan ngen nawn leh a ni. Chakma area-ah candidate siam loh tur kan tihna a ni lo a, Chakma kha Candidate ah hman loh tur kan tihna a nih chu. Mizo thalaite hian Chakma MLA neih hi kan ning tawh, Chakma Minister neih hi kan duh tawh lo, kan political party te pawhin min lo hriat sak rawh u. Political party hruaitu thenkhat in Chakma hi i bei, i bei lo ang u Central-ah BJP a Sorkar si a UT te hi an lo pek a hlauhawm tiin an sawi thin.....kan hria e, Mizo thalai kan ram leh hnam veng hima, humhalh duh tu kan tam lutuk, heti zat Mizo thalairual kan awm chhung hi chuan Chakma te UT pek an ni ngai lo ang, tih hi ka sawi duh a ni. Chakma te hi UT pek a nih chuan/UT hi lo pe ta se la India sorkar hian Mizoram hi India ram bung pakhatah min pawm lo ah kan ngai dawn a ni. Chuvangin Mizo thalaite hian kan tih tur kan hria a kan tih tur kan ti ve mai dawn a, atul a nih chuan Independent sual leh hi Mizo thalaite hian kan hreh lo a ni.

CYMA kaihhruaina in CADC thiah a nih theih nan Mizo thalai ten hma kan la dawn a, Mizo thalai te hmalakna kawng dal zawngin tumah lo awm lo turin kan in ngen a ni. A tawpna bera ka sawi duh chu, CADC thiah a nih theih nan Mizo thalaite hmalakna hi Political Party anga hamthatna emaw advantage lo lak tumna chi a ni lo a, hnam leh ram issue tak tak a ni a. Political Party anga kan nihna te dah tha a, Hnam/Mizo anga kan tanrual hun lai tak a ni a, hnam anga kan tanrual a ngai a ni. Mizo mipui zawng zawngte i tangrual zel ang u.

Tanrual hi Chakna a ni si a. Ka lawm e.

No comments:

Post a Comment

Post Bottom Ad