Zoram Thar Chuan Candidate Tur An Puang Ve Ta - TIMES OF MIZORAM

Breaking

Home Top Ad

Post Top Ad

Zoram Thar Chuan Candidate Tur An Puang Ve Ta

CANDIDATE TUR PUANG: Vawiinah Zoram Thar chuan Aizawl North I Bial a Chhiahhlawh/Fatu/MLA candidate tur chu Nl. Lalruatfeli Hlawndo a ni dawn tih an puang.

Nl. Mafeli hian party tan nilo, chhungte leh therual thate tan bik nilo Lalpa leh a mite tan chauh Independent candidate in, Lalpa tana ding turin a inpe daw a ni a ti.

Ram pawnah Nl. Mafeli hi a seilian a, mahse kohna na tak a dawn avangin, England a a hnathawh Admissions Officer leh Pastor hna chu kalsanin, Zoramah nikum June thla khan a rawn hawng a ni.

Nl. Mafeli chuan ka dinna tur bialah hian mi ropui leh lehkhathiam tak tak an ding dawn tih hrereng chungin- Lalpa leh mipui tana chhiahhlawh tura a inpek thu a sawi. Hmeichhia leh kum naupang te ni chungin, ram chhan tura daitheu turin loh theih lovin a din a ngaih thu a dawng tih a sawi bawk. Party hmanga inbeihna leh insawiselna, lal inchuhna, Bible kalh rorelna hi Lalpan tihtawp a duh tawh avangin, reformation (thlakdanglamna) a thlen theih nan, huaisen taka Lalpa tana ding tura a inbuatsaih thu a sawi bawk.

MLA hna hi public servant (mipui chhiahhlawh) hna a ni tiin, mipui te chunga thuneihna lek tu ni lovin, democracy dik tak anga midang tana theitawp a rawngbawl tur a nih zawk thu a sawi. A chhuan ber chu Lalpa a ni tiin, Pathian thiltihtheihna ringin, mipui te Lalpa lama tanga, Kohhran tawngtaina umzui turin a chah bawk a ni.

Zoram Thar President Rev Dr Zaichhawna Hlawndo in thu sawiin kan ram sualna zung chu party system hi a ni a ti a. Polical party an zawmloh na leh din lohna chhan pawh Politics Thianghlim kan rama a awm theih nan hma kan la duh a ni a ti. Eng anga mi fel leh tha pawh nise kan party politics ah hi chuan a that theihloh a ni a ti bawk. Chuvang chuan sorkarna siam khawp Lalpa tan independent candidate kan awm a ngai a ni a ti.

Sd/- 
(Lalrampari Hlawndo)
Info & Pub Secretary
Zoram Thar 
Zoram Thar Zawlbuk 
CNBC 14 LILY Veng Chaltlang.

Post Bottom Ad