CADC THIAH A NIN THEIH NAN A CENTRAL Y.M.A HMALAKNA MZP-IN A THLAWP - TIMES OF MIZORAM

Home Top Ad

Post Top Ad

CADC THIAH A NIN THEIH NAN A CENTRAL Y.M.A HMALAKNA MZP-IN A THLAWP

Vawiin 9th October, 2018(Thawhlehni) chhun dar 12:00 khan MZP General Headquarters Executive meeting MZP Conference Hall-ah neih a ni a, he hun hi Tv. L.Ramdinliana Renthei President chuan a kaihruai a, Meeting-ah hian Ni 10th October 2018 a CYMA-in CADC thiah tuma hma an lak mek na a kawngzawh a tum chungchang te, *'Zirlaite Ni'* (ni 27th October, 2018) hman dan tur chungchang te leh Ni 12 october, 2018 a neih tur MZP Rorelna sang Federal Council Sitting-a Agenda tur chungchang te rel a ni.


 Y.M.A HMALAKNA MZP-IN A THLAWP


Meeting chuan Ni 10 October 2018(Nilaini)-a CYMA bul tuma CADC thiah ngiat a kawng zawh buatsaih tur chu MZP chuan tha a ti a, a thlawp tlat a ni. MZP chuan CADC thiah a nih theih nan a CYMA buatsaih a Mizoram puma kawngzawhna hunah hian Mizo zirlai te a tam thei ang ber kal turin MZP chuan a ngen a, kan ram leh hnam tan thil pawimawh tak a nih avangin Mizo mipui zawng zawng te CADC thiah a nih theih nan he kawng zawhah hian tel vek turin MZP chuan a sawm a ni. CYMA in CADC thiah chungchanga hma a lakna reng rengah MZP chuan a tawp thlengin a thlawp zel dawn a ni.


Meeting chuan Ni 27 October,2018 'zirlaite Ni' chu sawrkar chawlh a nih avangin Ni 29 october, 2018(Thawhtanni) khian 'Zirlaite Ni' chu hman mai nise tha a ti a, 'Zirlaite Ni'*pual hian midangte hnenah *LUANCHHUAHNA PROGRAMME* hman ni se tiin a rel bawk a ni.

Ni 12 October 2018-a MZP rorelna sang Federal Council Sitting Agenda atan heng a hnuaia mi te hi Meeting chuan rel ni se tha a ti:-

1. Mizoram leh Assam ramri chinfel a nih theih nan MZP in hma a lak mek hi chak lehzuala chhunzawm ni rawh se.

2. Mizo Zirlai ten tawng hman dik leh lehkhabu chhiar, tun aia kan uar lehzual theih nan hmalak ni rawh se.

3. Mizoram ramri hrulah Police force tun aia thahnem zawk dah a nih theih nan hmalak ni rawh se.

4. Mizoram Education Service siam a nih theih nan hmalak ni rawh se.

5. Mizoram a CCE kalpui mek hi ennawna siamthat a nih theih nan hmalak ni rawh se.

6. Mizo Zirlai ten kan hnam thuam uar lehzuala kan inbel theih nan hmalak ni rawh se.

7. All India Service leh Central Service-ah Mizote thahnem zawk kan tlin theih nan MZP-in hma la rawh se.

8. Mizoram a Awardee (zirtirtu state/National)kan neihte hian state danga hamthatna an neih ang hi pek ve an ni theih nan MZP-in hma la rawh se.

Sd/-
(H.LALTHIANGHLIMA)
Asst. General Secretary

No comments:

Post a Comment

Post Bottom Ad