CENTRAL YMA ‘INTHLAN THUCHAH’ - MIZORAM ASSEMBLY ELECTION 2018 - TIMES OF MIZORAM

Breaking

Home Top Ad

Post Top Ad

CENTRAL YMA ‘INTHLAN THUCHAH’ - MIZORAM ASSEMBLY ELECTION 2018

CENTRAL YMA ‘INTHLAN THUCHAH’Central YMA chuan vawiin khan ‘Inthlan Thuchah’ chhuahin, ram rorelna chu mipui siam a ni a, a chhiat a thatah mawhphurtu an ni tih hriaa, vote thlak theuh turin khua leh tui dik takte chu a ngen a.

Mizo hnahthlak zinga chi bing leh Kohhran bil inthliar hrang zawnga chetna chu tha lo an tih thu sawiin Central YMA chuan Inthlanna neih turah pawh chutiang zawnga hma la lo tur leh chi bing leh sakhaw bing puala Candidate siam lo turin Political party leh mipuite a ngen a.

Political Party hrang hrangte leh Party Official Candidate-ten khawtlang huapa ruai an siam thin chu tha lo an tih thu sawiin, Central YMA chuan tumah khawtlang huapa ruai siam lo turin a ngen a; Aurinna hman chungchangah Political Party tin ten sorkar-in a phal dan ang bak leh khawtlang tana ninawm leh hnawksak thei tur ang chi chu tih loh hram ni se, Candidate-te hi ram hruaitu turte an nih avangin Zu ruih hmang te, eiruk chingte leh nungchang thlahdahte an lo awm palh a nih pawhin vote loh ngam nise; naupang kum tling lo leh thil kalphung hre pha lo te inthlan boruaka hnuh luh loh leh hmanruaa hman loh ni se; Party Manifesto-ah a taka tihhlawhtlin theih ngei tur chauh tarlan ni se; Inthlanna muanawm, boruak tha tak hnuaia neih theih a nih nan thlangtu mipuite leh mawhphurtute’n theihtawp chhuahin tan se an ti a. 

Hmanraw thianghlim lo chelekna reng reng an duh loh thu pawh sawiin Central YMA chuan mi tinin an chhia leh tha hriatna thiang leh zalen tak hmanga vote an thlak theih nan sum leh therhlo dang hmanga vote lei leh hralh chu tih loh nise, mipui, pawl hrang hrang leh Kohhrante pawhin Party leh Candidate-te sum leh thil dang dil loh ni se; Social Media hrang hrangah thu belhchian dawl lo leh finfiahna awm lo ang chi, Party ham\hatna atan theh darh loh ni se, an ti.

CYMA Press Release

No comments:

Post a Comment

Post Bottom Ad