EAST TUIPUI ZPM Bial viltu Pu C Lalțanpuia lo bel chiang ve rawh le
Pianni: 4th Jan. 1961.
Pa hming: Kapchia (L), Dungtlang khawchhuak
Nu hming : Chhunkhumi, Khawbung khawchhuak a ni.
A pu: Hrangpianga
A pi: Thangtintlemi (Vangchhia khawchhuak)
Unau 6 zinga a naupang ber a ni.
A pa hi Sumdawng a vak kual thin niin Burma ram a sumdawng a a kalna ah misual kut tuar in a boral hlauh mai a. Kum 1966 ah a pa Lungphun tura an zin chho chu Mizoram buaiin a nanchin tak avangin an tum hunah an haw thei ta lova, an duh aia rei an cham a ngai ta a. Kum 1982 ah Champhai ah an let thla leh thei ta chauh a ni.
Champhai a an inbenbel leh hnu kum 1986, January 4 ah Lalrintluangi nen Champhai Vengthlang Presbyterian kohhran ah Pastor Sikulfala'n a kutsuih. Fa pali mipa pathum leh hmeichhia pakhat an nei a, vanduaithlak takin kum 2003 khan an fanu neihchhun in a boralsan.
Champhai an awmlai hian Champhai Kanan Veng Branch YMA ah term hnih (2) 1993 leh 1994 khan President ah thlan a ni a, President anih hma hian Treasurer post a lo chelh tawh ṭhin bawk. YMA President a nih chhung hian nasa taka hma alak avangin bultanna sum leh pai neihsa neilo mahse YMA Hall tha tak an sa puitling a, Infiamna lama mamawh hrang hrang te, Information mike te leh khawtlang mamawh hrang hrang an sualchhuak hnem hman hle.
Kum 1995 khan eizawnna avangin Aizawl ah an chhukthla a, Whole Sale dawr te atanga bultan in Pathian a tih em avang leh a thawhrimna leh rinawmna avang liau liau in tunah chuan Company lian tak tak Sawmpahnih (12) nen indawr tawnin Agencies changtlung tak an lo ni ta a, heng bungraw hrang hrang te hi Mizoram pumah thawnchhuah reng a ni a, dawrkai tam tak eizawnna leh innghahna pawimawh tak a ni chhunzawm ta zel a ni. Mizo pa ah chuan thalaite eizawnna siamsak kawngah pawh thawh hlawk ber te zing ami a ni hial awm e. Tunah hian, a hnuaiah thalai mi sawmsarih chuangin hna an thawk mek a, chhungkaw chawm nan an hmang vek bawk. Tin, Mosia Store leh Mosia Picnic Spot neitu hi a ni bawk.
Pu C. Laltanpuia hi pa taima, invawngfel leh pa zaidam tak, pa kawm nuam leh vision nei tha tak a ni. Society siamthatna turin tha leh zung, ngaihtuahna leh neihsum sengin hma alo la tawh thin. Aizawl Chanmari vengah inbengbelin a tu leh fate nen an cheng ho mek a. Chanmari Presbyterian kohhran ah Puitling Sunday Sikul zirtirtu a nih mek bakah Kohhran committee peng hrang hrang ah chanvo pawimawh tak tak a chelh mek bawk a ni.
Politics Career:
Naupan tet atang tawhin hnam ang a Zofa te kan insuihkhawm leh kan dinchhuah hun hi nghakhlel takin a thlir ve thin a, kan ram Politics boruak chhe ta lutuk te, mi hmingtha leh Pathian rawngbawltute luh tlak lohna ni hial a an ngai ta te hi pawi a tiin a vei em em thin. Hemi siamtha tur hian kan Society pumpui hi siamthat ngai lai apiang siam that a, thlak thleng ngaite thlak thleng tur leh he kan ram neihchhun Pathian min pek Mizoram hi dinchhuahpui theih a in beisei tlat thin a ni.
MLA Election pawh kum 2008 khan Aizawl North- III ah indepent in a a lo ding tawh a ni.i.
MLA FUND Hmanna tur
1. Bial chhung development : 60-70%
2. YMA : 5-10%
3. Khuarel chhiatna : 5-10%
4. Thalaite Pual 5%
5. MHIP : 2.5-5%
6. Kum upa te: 2.5-5%
7. Sports tih hmasawnna 5%
8. Zirna hmasawn nan: 5%
Post a Comment