Mizoram Assembly Inthlanpui atan hian State Chief Election Officer, Pu S.B. Shashank kaihhruaina hnuaiah ngawrh taka inbuatsaih mek a ni a, nimin khan ATI Training Hall, Aizawl-ah state chhunga political party hrang hrangte tan inkawmhona buatsaih a ni a.
CEO chuan inthlan felfai leh dik taka awmna thin hmun tia khawvel hriathlawh Mizoram State chu kumin inthlan lo awm turah pawh a hma ang bawkin ramchhung state dangte leh rampawn a mite tan pawha entawn tlakin inthlan tum tur a ni, a ti a. Kumin inthlanpui-a thil thar an hman tur ‘Suvidha-Single Window Permission System’ chungchang sawiin political party ten public meeting an huaihawt duh chuan he Suvidha-ah hian dilna an thehlut hmasak a ngai tawh dawn a ni, a ti.
Media Certification & Monitoring Committee (MCMC) pawh District zawng zawng bakah State level-ah pawh din a ni ang a, District MCMC-in an hnawl chu State MCMC-in a ennawn leh thei ang a, chungah chuan Appellate Authority pawh dah a ni tawh, a ti bawk.
ECI chuan Candidate pakhat zelin inthlan atana a senso zat tur a bituk sak chu cheng nuai 20 a ni a, Inthlan ni puan a nih veleha Model Code of Conduct hman anih chuan Minister-te thusawi lai emaw an thlalakte chu sorkar department hrang hrang website-ah a lang tawh tur a ni lo, a ti bawk. ECI chuan election chhung zawnga state inthlan boruak vil tur General Observer leh Expenditure Observer tur engemawzat a rawn tir leh dawn bawk a ni, a ti.
~ AIR News Aizawl
Post a Comment