MNF-IN BJP A THAWHPUI LO - TIMES OF MIZORAM

Breaking

Home Top Ad

Post Top Ad

MNF-IN BJP A THAWHPUI LO

tualchhungMNF PRESS RELEASE: Ni 25.10.2018 (Nilaithawhtanni)-a Chanbinbu hrang hranga thuchhuahah MNF leh BJP-in inremna thuruk nei anga thuchhuah a ni a. An thulakna chu Tripura BJP hruaitute thusawi atang niin an thuchhuahah an tarlang. Hei hi MNF leh BJP sawipawlh lui talha MNF hmai tihbalh tumna mai a ni a. BJP President Amit Shah leh Mizoram inthlan viltu tura BJP-in an ruat Hemanta Bishwa Sharma-te pawhin MNF an thawhpui loh thu chiang fek fawkin an rawn sawi tawh a. 

MNF President Pu Zoramthanga pawhin BJP thawhpui a nih loh tur thu a lo sawi chiang tawh bawk. MNF hotu dangte leh High Command pawhin BJP nena thawhho vawikhat mah an la rel lova, inthlan zawha thawhho thu pawh vawikhat mah an rel lo.

Official-a BJP thawhpui hmasa ber chu ZPM Chief Ministerial Candidate Pu Lalduhawma hi a ni a. Kum 2015 Bye-Election leh AMC inthlanah khan an thawkho. Inthlan zawha BJP thawhpuia sorkarna siampui hmasa ber chu MPCC President Pu Lalthanhawla hruai Mizoram Congress hi a ni. CADC-ah BJP sorkarna an siampui a, an thawkdun mek zawk a ni. Mipuiin BJP thawhpui kan thinhrik dawn a nih chuan ZPM Chief Ministerial Candidate Pu Lalduhawma leh Pu Lalthanhawla-te leh an pawlte hi thinhrika hnawl hmasak ber tur an ni zawk a ni.

MNF-in nasa takin hma a sawn mek a, MNF boruak tha kal lai tihsukuk tuma thudik ziktluaklo thu veivir hi MNF chuan tha a ti lo hle a ni.

(LALTHANZUALA HNAMTE)
Secretary
Media & Publicity Dept.
Mizo National Front
Memo No.MNF/Media/2018/01/346
Dt.25.10.2018.

No comments:

Post a Comment

Post Bottom Ad