MNF ANNOUNCED OFFICIAL CANDIDATE
MNF party chuan vawiin khan Assembly inthlanpui lo awm tura an candidate-turte an puang a, candidate 39 hming an puanga, Tuichawng biala ding tur an la ruat lo a ni.
MNF President Pu Zoramthanga chuan bial thar chuhin Aizawl East I ah a ding dawn a, Sr Vice President Pu Tawnluia chu Tuichangah a ding dawn a, Vice President DR R Lalthangliana chu South Tuipui ah a ding dawn a ni.
MNF MLA panga te chu an bial ngaiah an ding leh vek dawn a, Pu Vanlalzawma chu Aizawl West III ah a ding anga, Pu K Sangthuama Aizawl West I, Pu Lalruatkima Aizawl West II-ah Pu R Lalrinawma chu Tuikum bialah a ding anga, Dr K Beichhua chu Siaha bialah a ding leh ang.
MNF zawm thar Pu R Lalzirliana chuan Tawi bial a chuh dawn a, Pu Lalrinliana Sailo in Chalfilh bial a chuh anga, Pu Robert Romawia Royte chuan Aizawl East II atangin a chuh ang. Champhai North bialah Dr ZR Thiamsanga a ding ang.
MNF candidate zingah hian tunhnaia MPC atanga an party zawm thar Pu Lalthanliana chuan bial a chang lo a, hetihlai hian Hachhek bialah Pu Lalrinenga Sailo a ding anga, Dampa ah Lalrintluanga Sailo, Mamit ah Pu H Lalzirliana, Tuirial-ah Pu Sailothanga Sailo, Kolasib ah Pu K Lalrinliana, Serluiah Pu Lalrinsanga Ralte, Tuivawl Pu Lalchhandama Ralte, Aizawl North I ah Pu Lalringliana, Aizawl North II Pu Laltlanzova Khiangte, Aizawl North II Pu C Lalmuanpuia, Aizawl South I ah Pu K Liantlinga, Aizawl South III ah Pu Denghmingthanga, Aizawl South II ah Dr F Lalnunmawia, Lengteng ah Pu L Thangmawia, Champhai South ah Pu TJ Lalnuntluanga, East Tuipuiah Pu Ramthanmawia, Serchhipah Pu C Lalramzauva, Hrangturzo ah Pu Lalchamliana Lunglei North ah Dr Vanlaltanpuia, Lunglei East ah Pu Lawmawma Tochhawng, Lunglei West ah Pu C Lalrinsanga, Lunglei South ah Dr K Pachhunga, Thorangah Pu R Rohmingliana, West Tupuiah Pu Robert Hmingthansanga, Lawngtlai West ah Pu C Ramhluna, Lawngtlai East-ah Pu H Biakzauva, Palakah Pu M Chakhu a ding dawn a ni.
Vawiin khan MNF chuan MNF Day vawi 57-na an lawm nghal a, an Party President Pu Zoramthanga chuan thu sawiin, Mizo thinlung pu zawng zawng te MNF-ah haw khawm turin a sawm a. Kum 2008-ah tawnhriat nei lovin an sorkar a, an tih dik loh leh an tihsual tam tak a awm tih an hria tih sawiin, mipui hnenah vawi tam tak ngaihdam an dil tawh a, vawiinah hian ngaihdam an dil nawn leh a ni, a ti a. MNF sorkar tharah chuan mipuite ban phakah Pathian leh ram malsawmna an chawi hniam dawn, a ti bawk.
MNF President chuan, Congress sorkar chu mipuiin an ning takzet tawh nia sawiin, zu an zuar a, ram hmasawnna lam an ngaihtuah lova, project sîama sum sawichhuah an tum hek lova, sum tam zawk siamna tur Mizoram budget peipun tum lovin an hmangral zel ringawt mai a ni, a ti a.
School hrang hrang Congress sorkar-in dinhmun sanga a hlankai theih lohte chu MNF sorkar chuan dinhmun sang zawkah an hlangkai vek dawn a ti bawk a; Hnamdang contractor-te nen thawhho ringawt an ngaihtuah avangin Mizo Contractor-te an mangang em em tih sawiin, MNF a sorkar chuan hnam thinlung pu takin Contractor te harsatna tawh an sukiang dawn a ni, a ti. - AIR News
Post a Comment