MPCC President Pu Lal Thanhawla chuan vawiin atangin CADC a BJP nena an thawhona chu a tawp tih a puang

ToMZ
26 Oct 2018, Friday, October 26, 2018 IST
Mizoram election campaignMPCC President Pu Lal Thanhawla chuan vawiin atangin CADC a BJP nena an thawhona chu a tawp tih a puang.


Vawiin khan Congress Bhavan-a Political Sessionah he thu hi sawiin, Pu Lal Thanhawla chuan CADC-ah Congress chu an tih that vak loh avangin BJP in thawhpui tura an sawmna an pawm thu leh MDC te chu an mite thin deuh vek an nih avangin, MNF te nen sawrkar siam ai chuan thawkho-a a hnu-a lo lut leh mai tura an sawi chu vawiin thlengin an nghak tih a sawi a. Tunah hian an CEM duhlo in BJP MDC 6 an bang tawh bawk a, chuvangin hengho te nen a inkhualtelemna chu a tawp ta a ni a ti.

Pu Lal Thanhawla chuan BJP chungchang sawiin, Mizoram Inthlan lo awm turah hian BJP chuan State danga MLA an lei khawm ang khan Mizoram-ah pawh inthlan zawhah lei an tum dawn a ti a, a leina tur hi CRP ah nge Assam rifles ah nge BSF hmunah nge hriat ni rih lo mahse Vaibelchhe tamtak BJP te hian Zoram chhungah Inthlan zawh bazarna tur pawisa hi an dahtha ni-a an hriat thu a sawi a. Kristiante zingah mi engzatnge an lei theih dawn tih hi hotute'n hlau leh khur chungin an thlir mek a ni, a ti.

Mizoram election campaignLIANSAILOVA PRESS CONF: Kumin Inthlanpui danglamna chu Mizo hnam leh sakhuana run tum lian tak hmachhawn tur chu a ni tih MPCC Party Treasurer leh MPCC Manifesto Chairman Pu Liansailova chuan vawiin khan Aizawla thutharthehdarhtute a kawmnaah a sawi.

Pu Liansailova chuan kum danga inthlan thin aiin kuminah ram leh mipui tana pawi thui thei tak tur an hmachhawn dawna a hriat thu a sawi a, BJP chuan Mizorama BJP hmang kher lo pawha bu a rawn khuar hlauh chuan ram leh mipui tan kumkhaw chawr lohna a ni thei dawn a a hriat thu leh ram mipuite fim khur a ngai tih a sawi a ni. 

Pu Liansailova chuan Congress Party kalphung leh policy chungchang pawh sawiin, Congress Party chuan a Sorkar hunlai a ni emaw inthlan dawn pawhin an policy chu Sorkarin enge a tih theih tawk leh a tak taka tih theih chauh a bawhzui thin a ti a. Chher chhawp nilovin programme a awm te chu sum leh pai dinhmun atang te a hisapa buatsaih thin a ni a ti a. An Sorkar leh a nih pawhin sawimawi chawp ngai lo, tih theih ngei tur vawrh chhuah an tum thu a sawi a ni. - Press Release
Visitor's Voice

Click to Comment

No comments:

Mizo Nula Khal

+