ZPM Chief Ministerial Candidate Pu Lalduhoma'n BJP thawhpui ve lo sorkar siam a ngai a ti. - TIMES OF MIZORAM

Breaking

Home Top Ad

Post Top Ad

ZPM Chief Ministerial Candidate Pu Lalduhoma'n BJP thawhpui ve lo sorkar siam a ngai a ti.

Zoram People's MovementZoram People's Movement: ZPM Chief Ministerial Candidate Pu Lalduhoma chuan ram leh hnam leh sakhua a hima a lo damna tur chuan BJP thawhpui ve lo ZPM in sawrkarna a siam ngei a ngai a ti. 

ZPM District Headquarters, New Serchhipa Local Steering Committee te'n intuaitharna hun an neih-ah he thu hi sawiin, tun CADC inthlan hnuhnung bera BJP nen thawk dun tura inhruipawh ngat ngatte te chu Congress leh MNF te an ni a, he party pahnih-te hian lalna leh thu neihna duhna avangin ram leh hnam hi Chakma-te leh BJP-te hnenah hralh an phal a tih loh theih lo a ti.

Mizoram tana Chakma hnawksakzia hriat a nih lai leh BJP-in India ram atangin Zeng hri ang maia Kristianna hnawh bo a tum tih pawh hriaa an hmuh mek laiin NEDA-ah MNF leh BJP an thawk dun a; CADC-ah BJP leh Congress an thawh dun thu leh, MNF leh Congress hian inthlanpui neih apiangin Chakma Candidate an neih thin thu pawh hriat a ni a ti a. Tun inthlanpui lo awm turah hian CADC-ah MNF leh Congress chuan candidate an nei leh ngei dawn tih a sawi bawk a. BJP leh Chakma telna Sorkar Mizoramin a neih lohna turin Mizo mipuite'n a mal a Sorkar thei turin tangrual pawl siam ngei a ngai a ni a ti bawk.

Aizawl East-I ZPM South Block Office, Zemabawk-ah vawiin khan ZPM candidate Pu K.Sapdanga chuan hun a hmang a, Party thenkhat chuan hausa sorkar din tumin theihtawpin tan an la mek a, Aizawl East -I bial hi mi hausa sorkar awp atan an phal lova, chuvangin miretheite, nitin a inhlawhfa thin te leh huan nei te, kuthnathawktute behchhanin mihausa sorkar din tum tute an namthlu ngei ang tih a ring tlat tih a sawi a, Pu Sapdanga chuan, ZPM-in sorkarna a chang a nih chuan Minister bathlar a eizawn ngai tawh lovin, tuthlawh humin mahni leipuiah te, mahni huanah te hna thawk turin mi an liam sung sung dawn a ni a ti a. Ram hmasawn reng rengin a hrinchhuah chu khawpui a thawl thin a, thingtlangah mi thlamuang takin an awm thin. Tunah hian India ram pumah Aizawl khawpui hi thingtlang atanga pan khawm tam berna khawpui a ni a, hei hi rorelna dik loh vang a ni a, ZPM chuan a siamtha dawn a ti bawk. - Press Release

No comments:

Post a Comment

Post Bottom Ad