Kohhran hoten kumin 2018 Beihrual thla chu tluang takin an hmang chho mek zel a, Pathianni (Sept. 30, 2018) hi kumin Beihrual ni hnuhnung ber a lo ni leh ta a, chawhnu leh zan hi special programme niin chawhnuah Nu leh Pa Ni programme hman a ni ang a, ‘I nu leh pa chawimawi rawh’ tih thupui zir a ni ang a, Zanah Kristian Chhungkaw Ni programme hman a ni leh ang a, ‘Kristian Chhungkaw tih tur – Pathian tih’ tih thupui zirho a ni ang.
Beihrual programme hi September 1 atang khan hman tan a ni a. September 3 – 9 chhung khan ‘Ramthar Hapta’ hman a ni a, September 10 – 24 chhung khan ‘Kohhran Pate’ chanchin zirho leh a ni a, September 25 – 30 chhung hian ‘Kristian Chhungkaw Hapta’ hman a ni leh a ni. Beihrual hi kum 1918 June thla atanga hman tan a ni a, kum 1925 atangin September thlaah neih thin a ni ta a, kum 1947 atangin Nilai Zan Thupui Bu leh Beihrual Thupui hi bu khata siam tan a ni.
Kumin hi Beihrual Kum 100 na a ni a, kum 2016 Synod thurel General 9-ah “Beihrual kum 100-na hriatrengna hlawk zawka hman dan tur siam” tia lo rel tawh chu Kohhran hrang hrangah tha taka bawhzui a ni.
Source: https://www.mizoramsynod.org
Post a Comment