Mizo Idol 2018 - Jerry Lalrinawma - TIMES OF MIZORAM

Breaking

Home Top Ad

Post Top Ad

Mizo Idol 2018 - Jerry Lalrinawma

Mizo Idol 2018 - Jerry LalrinawmaMizo Idol 2018: Kar kalta Zirtawpni zan khan Mizo Idol Season 6 chu zawhfel a ni ta a, Chanmari tlangval Jerry Lalrinawma chu Mizo Idol 2018 atan thlan a ni. Jerry-a chuan, "Awih harsa ka ti a, suangtuahna rama cheng ang mai ka ni. Ka pa Zoliana (L) tan Mizo Idol ka nihna hi ka hlan a ni," tiin Vanglaini palai a hrilh. 



Mizo Idol Season 6-ah hian Champhai nula H. Lalnunsiami chu pahnihna a ni a, pathumna chu Chhinga Veng tlangval Ticos Darhmingliana a ni. Ticos-a kutah hian 'Viewers Choice' hlan a ni bawk. 



'Jerry The Boss' an tih mai Jerry Lalrinawma hian kum thum vel zet chu Delhi-ah zaiin ei a lo zawng tawh a, Mizoram a rawn chuan chhuah hnuah Mizo Idol-ah hian a rawn inlar ta a ni. Intihsiak ṭan phat aṭanga endiktuten an chhinchhiah kha a ni a, an tisual lo tih a lang ta. Mipui pawhin a zai an ngaina a, ṭantu a ngah hle a ni. 

Top 25 aṭang khan mipui nawlpui hriat a hlawh chho ṭan a, 'Rinawmin' tih hla a sak hnuah phei chuan tunge a nih tih inzawh a ngai tawh lo. Social media lamah a lar a, a chanchin hi titi pui ber pakhat a tling a ni. 

Top 3 ten Mizo Idol nih tuma an intihsiakah khan - 'Ka chan hi' tih leh, 'Engtin' tih hla a sa a, Mizo Idol a nihpui ta a ni. Grand Finale zan hian result puan zawhah 'Rinawmin' tih hla hi a sa leh bawk a, mipui thawm a ring hle. 



Mizo Idol 2018 - Jerry Lalrinawma
Mizo Idol Season 6 winner Jerry Lalrinawm hian Rs. 1,50,000 leh Scooter a dawng a, thil pek chi hrang hrang  a dawng bawk. Pahnihna H. Lalnunsiami chuan Rs. 80,000 leh Lloyd TV 33 inches a dawng a, pathumna Ticos Darhminglina hnenah Rs. 50,000 bakah Lloyd Washing Machine hlan a ni bawk. 

Ticos-a hian 'Viewers Choice' a la tel bawk a, hei hian pawisa fai Rs. 20,000 a keng tel bawk a ni. 



Source -Vanglaini

Post Bottom Ad