Pi Lalrinpuii Lunglei East Biala ZPM Candidate Chanchin - TIMES OF MIZORAM

Breaking

Home Top Ad

Post Top Ad

Pi Lalrinpuii Lunglei East Biala ZPM Candidate Chanchin

Lunglei East bial vil mek tu Pi Lalrinpuii chanchin ngaihnawm tak chu
ZPM Candidate


Pi Lalrinpuii hi, Kum 1962, March ni 5-ah a lo piang a , thlahtu te lamah chuan, Lalnu Ropuiliani pasaltha hmingthang - Hnawncheuva tupa Vaithatchianga leh Rothangi te inkârah a lo piang a, unau mipa 4 leh hmeichhia 8 an ni a, amah hi a naupang lam atanga palina a ni. 1983-ah K. Sapthanga Lunglei Chanmari Veng nen Chanmari Baptist Kohhran Biak In-ah inneiin Fanu pathum an nei a ni. Thiamna lamah B.A. a ni.

A pasal zirna leh hnathawhna avangin 1999 khan Bangalore-ah an awm tan a. Bangalore-a an awm tirh atang hian North East mite tan Hostel siamin tun thlengin an la siam a ni. Kum 2009 atang khan Krupanidhi College-ah Public Relations Officer hna a thawk tan a, North East State hrang hrang ah kalin a thawhna Krupandhi College empaneled tute an College aiawhin a dawr thin a, chu bakah a thawhna College hi EDCIL leh ICCR (Govt. of India) in a pawm (Empanneled) a nih a vangin Indian Education promote turin an College aiawhin India ram pawnah te pawh a kal fo thin. 


Pi Rinpuii hi mahni hnam nun chawi sang duh mi tak a ni a. Bangalore khawpui chhungah pawh Mizo takin hun a hmang thin a, tlawmngaihna nunpui mi a ni a, Mizo angin emaw North East miten harsatna an tawh reng rengin inti neitu takin a inrawlh nghal vat zel a, Mizo Kristian a nihna chu theih tawpin a lantir bawk thin. Engkim a tih tawh chu Missionary hnaah ngaiin theih tawp chhuahin a ti thin.

Hengte avang hian mi hriat pawh a hlawh hle a, 2012-a North East Exodus, India ram khawpui lian deuh deuha North East miten harsatna nasa tak an tawh lai pawh khan North East mute inpumkhata thawk hova common platform a awm a pawimawh a ni tih hriain a ma hmalakna in North East Welfare Association, Karnataka an din a, theihtawp chhuaha North East mite thlavang a hauh avangin mi hriat a hlawh hle a, BBC Trends pawhin Interview an neihpui a. DNA ( Daily News Analysis) Bangalore pawhin International Womens Day 2013-ah Hmeichhe hlawhtling tak tak te an sawmkhawm a *Upliftment of womens status in our Indian Society* tih thupui sawihonaah sawm ve a ni bawk. ZONU Chanchinbu pawhin *Mizo Nu hlawhtling* tiin a chanchin hi an lo chhuah tawh bawk a ni. MZU-a Mass Communication zirlai Laldinfeli pawhin an class presentation-ah The Women who inspired me tih thupuia hmangin Pi Rinpuii chanchin hi a lo sawi tawh bawk a ni.

Heng bakah hian Eirawngbawl / Ei siam lama tui tak a ni a, chu chu hriain a eirawngbawl lai chu kal chilha kâwmin, Doordarshan-ah Hindi leh Urdu-in an ti chhuak thin a ni. Pi Rinpuii hi Pathian thuawih leh rawngbawlna lama in hmang tak a ni a, mi taima, awm mai mai thiam lo leh mi hlim thei tak a ni bawk. Mi tam takin a hnenah manganna an thlen fo thin a, a theih ang angin a lo tanpui thin a, khawngaihna ngah mi tak a ni bawk a, hengte avang hian Bangalore Nu an tih thin a ni.

Hna a lo thawh tawh te :

1. UDC, P&E Deptt. Mizoram
2. Public Relation Officer, Krupanadhi Group of Institutions, Bangalore.


NIHNA CHELH TAWH LEH CHELH MEK TE :

1. Treasurer, Thalai Kristian Pawl, Lawngtlai Vengpui 1982
2. NPSS Zirtirtu, Chanmari, Lunglei 
3. Secretary, Baptis Kohhran Hmeichhe Pawl, Chanmari 
4. Secretary, MHIP Chanmari Branch,
5. Superintendent, Naupang Sunday School, Bangalore Mizo Christian Fellowship, Banglore.
6. Thuhriltu, Bangalore Mizo Christian Fellowship 
7. Adviser, Bangalore Mizo Student Association 2005
8. President, Bangalore Mizo Association 2009, 2012, 2013, 2015
9. Adviser Bangalore Mizo Association 
10.Vice President, North East Welfare Association, Karnataka 2012 Till date
11. Managing Board Member, ACTS Ministries, Bangalore 
12.Adviser, Royal Tripura Peoples Society Bangalore 2017 Till date
12. Adviser, Chanmari Football Club, Lunglei



ZPM A ZAWM CHHAN A MA TAWNGKAM:

Tunhma atanga kan ram kalphung leh dinhmun te ka hmuh in, harsatna kan ngahzia leh hmasawnna tur a tamzia ka hrechiang telh telh a. Ka rilrua thil awm leh ka thil tawn te hi Mizoram tan eng tin nge ka hman tangkai ang tih ka ngaihtuah a. *Politics hi Ram leh Hnam siamthatna tur a ni a, mahni hamthatna tur a ni lo,* chutih lai in mi tam takin an sawi chu kan politician te hian mahni hamthatna leh sum siamna rilru an pu lutuk niin an sawi a, hei hi dik ngeiin a lang. Zoram veina neih ve tlat chuan Mizorama rorel tute hnathawh dan kan lo thlithlai ve reng thin a, kan kalphung system neihsa avang hian hmasawn hleihtheih lohna tam tak a awm tih hi ka ngaihtuah fo thin a.

ZPM a lo pian khan kalphung thar nena Zoram siam an tum thu an sawi a, an thil tum te ka zir chiang a tha hlein ka hria, *VIP culture tih bo te, kut hnatawktu ten rim taka an thawh chhuah Sorkar in man man taka leisak te, mirethei leh mi hausa inkar zau tial tial ti reh tura hmalak te, Zoram puma development kal rual tawh tur te, party politics ruihchilh lutuk leh dawn ve loh hlauh avanga mirethei te te-in an nihna pawh pholang ngam lo (an pride pawh show) ngam miah lova an awm thin bo tawh tur te* chuan min ti phur hle a, keimah ngei pawhin ka phak ang tawk a Pathian rawng ka lo bawl ve thinna nen pawh a inhmeh hlein ka hria a, chuvang chuan hotuten ZPM zawm ve tura min sawmna chu ngun taka ngaihtuaha Pathian ka rawn hnuin, nuam ti taka ka lo chenna leh hna ka phak tawka tha tak mai thawka ka lo awmna hmun Ka (comfort zone) Bangalore chhuahsan in, “Lalpa duhdana Zoram thar din turin” hotute min sawmna chu ka lo pawm ve ta a ni. 

Zoram political system hi a chhiat tawhzia an sawi fo tawh a. Mi țha leh Pathian tih mi an luh pawhin ‘Hei pawh chu ka rin ang chiah, lalna leh thuneihna a duh hle mai, a eiru ve leh tho vang ‘ tih hi an chilhzui dan a ni fo thin, hei vang hian kan mițha tam tak, Ram siamțhat chak êm êm te hian politics an luhchilh duh loh phah fo va, Pastor retired te Zoram siamthat duh a ke pen te pawh an duham vanga Politics luhchilhah te kan puh bawk a, kan thil thlir dan hi kan tih danglam a hun hle tawh a ni

Zoramah kalphung THAR siam turin mi dang te pawh lo tel zel turin ka sawm che u a ni.

Post Bottom Ad