PROF. JV HLUNA CHANCHIN TAWI - POLITICIAN TE BIHCHIANNA - TIMES OF MIZORAM

Breaking

Home Top Ad

Post Top Ad

PROF. JV HLUNA CHANCHIN TAWI - POLITICIAN TE BIHCHIANNA

Ziaktu: V. Lalnunthara (Mathara), V. Thanga Street, Dawrpui


PROF. JV HLUNAMizoram BJP State President nilai, Professor JV Hluna hi kum 1952, March ni 31 khan Phullen-ah a lo piang a, kum 65 a upa a ni. A pa chu Phullen Presbyterian Kohhran Upa min, Upa Kapruma (L) a ni. Unau 10 zinga 7-na a ni. A pa lama a pu, Pu Vawmkaia chuan Thang a chhuah a ni.


Phullen khua a pawl riat thleng lehkha a zir a, Saitualah pawl kua zir zawmin Mizoram buai avangin zirna chhunzawm theih a ni ta lo a, amaherawhchu Prof. JV Hluna hi lehkha thiam nih tum tlat, zirna ngaisang tak anih avangin kum 1968 khan harsa takin private a beiin matric a zo a ni. Kum 1969 khan Pachhunga University ah PU a zo leh a, hemi hnu hian St. Anthony's College Shillong atangin B.A (History Honours) chu kum 1972 khan a zo. Kum 1974 khan Gauhati University atangin MA (History) tha takin a zo.

Kum 1977 khan Pachhunga University ah Lecturer in a thawk a, hetih lai hian Gauhati University hnuaiah Ph. d a chhunzawm leh a, zirtirtu ni a kum 8 a thawh hnu ah, kum 1986 khan Ph. d a zo leh a ni. Amah hian lehkha thiam thei ah a inchhal ngai lo a, 'a vantlang ka ni ber zawk ang tiin lehkha a chhiar tam a, hlawhchham a tum loh vang a ni ber mai' tih a sawi.

State, National leh International ah paper vawi 55 lai a lo present ve tawh a, heng zingah hian International levelah paper 5 a lo present ve tawh. Lehkhabu pariat (8) lai a ziak ve tawh a, chung zingah chuan Mizo Uprising : Assam Assemble Debates on the Mizo movement 1966-1971 lehkhabu a ziah chu Cambridge Scholars Publishing in an tihchhuah sak a, Mizo zinga a hmasa ber a ni nghe nghe. University Grant Commission Regulation 2010 chuan a vawi khat nan College ah Professoor puitling an awm thei tih dan an siamah Professor dilin pek a ni a, Mizoram College a Professor hmasa ber a lo ni ta a ni.

PROF. JV HLUNAKum 1985 a Aizawl Night College din anih theih nana sulsutu te zing a mi a ni a, Pu H Thansanga, tun hnu a Dr. H Thansanga Ex-Minister lo ni ta ho khan Aijal Theatre Hall ah Show te neiin bul an tan. Heng bakah hian Hrangbana College leh T. Romana College dinna ah a ngaihtuahna a seng hma hle a, Mizorama College din kha a tuipui ber a ni.

Kum 1993 khan MLA ah thlan tlin a lo ni tawh a, Brigadier T Sailo-a (L) nen khan an inthian hnai hle. Amah hi pa kawm nuam leh Historian a nih anga thil thleng reng reng chik peih tak a ni. Tunah hian a nupui Pi Zapari leh a fate 3 nen Sikulpuikawn ah an cheng.

Post Bottom Ad