Ziaktu: V. Lalnunthara (Mathara), V. Thanga Street, Dawrpui

Phullen khua a pawl riat thleng lehkha a zir a, Saitualah pawl kua zir zawmin Mizoram buai avangin zirna chhunzawm theih a ni ta lo a, amaherawhchu Prof. JV Hluna hi lehkha thiam nih tum tlat, zirna ngaisang tak anih avangin kum 1968 khan harsa takin private a beiin matric a zo a ni. Kum 1969 khan Pachhunga University ah PU a zo leh a, hemi hnu hian St. Anthony's College Shillong atangin B.A (History Honours) chu kum 1972 khan a zo. Kum 1974 khan Gauhati University atangin MA (History) tha takin a zo.
Kum 1977 khan Pachhunga University ah Lecturer in a thawk a, hetih lai hian Gauhati University hnuaiah Ph. d a chhunzawm leh a, zirtirtu ni a kum 8 a thawh hnu ah, kum 1986 khan Ph. d a zo leh a ni. Amah hian lehkha thiam thei ah a inchhal ngai lo a, 'a vantlang ka ni ber zawk ang tiin lehkha a chhiar tam a, hlawhchham a tum loh vang a ni ber mai' tih a sawi.
State, National leh International ah paper vawi 55 lai a lo present ve tawh a, heng zingah hian International levelah paper 5 a lo present ve tawh. Lehkhabu pariat (8) lai a ziak ve tawh a, chung zingah chuan Mizo Uprising : Assam Assemble Debates on the Mizo movement 1966-1971 lehkhabu a ziah chu Cambridge Scholars Publishing in an tihchhuah sak a, Mizo zinga a hmasa ber a ni nghe nghe. University Grant Commission Regulation 2010 chuan a vawi khat nan College ah Professoor puitling an awm thei tih dan an siamah Professor dilin pek a ni a, Mizoram College a Professor hmasa ber a lo ni ta a ni.

Kum 1993 khan MLA ah thlan tlin a lo ni tawh a, Brigadier T Sailo-a (L) nen khan an inthian hnai hle. Amah hi pa kawm nuam leh Historian a nih anga thil thleng reng reng chik peih tak a ni. Tunah hian a nupui Pi Zapari leh a fate 3 nen Sikulpuikawn ah an cheng.
Post a Comment