MIZORAM ELECTION 2018 - BRU-HOTE PAWHIN HLIM TAKIN VOTE AN THLAK : INDIA RAM PUM ENTAWN TLAKIN MIZORAM ELECTION A RAL MUANG

Bru refugee caste vote in Mizoram CT Lalrinawma

Nov 29, 2018 (MSR): Niminah Mizoram State Assembly seat 40 atana inthlanna chu zing dar 7am-4pm inkarah buaina awm lovin, ralmuang leh tluang takin neih a ni a, voters 7,70,395 atangin 80% zetin vote an thlak a ni. Kum 2013 ah 83.4% a tla a, kum 2008 ah 82.35% a tla a ni.

Mizoram Election 2018 ah hian MLA atana candidates 209 an awm a, Congress, MNF, ZPM (Independents), NPP leh BJP party ten an chuh a ni. Chief Minister nilai Pu Lal Thanhawla chuan Serchhip leh Champhai South bial atangin a chuh. Districts 8 zingah Serchhip bial chu vote tlak thatna ber niin, 81% a tla a, Aizawlah Dist erawh 65% a tla thung. Kum 1993 atanga inthlana chuh ve thin BJP ten tun tumah MLA an neih rin a ni.

Chief Election Office, Mizoram chuan, he Nov 28 inthlanah hian Polling Booth ah Hmeichhia 3,046 an duty a, Model Code of Conduct dan bawhchhiatna case 3 chauh awmin, 42VVPATS chianglo (faults), 19 Control Unit, 25 Ballots a awm a, Chalfilh biala Phuken Polling Booth ah hmeichhia vek an duty a ni. Vote thlak zinga upa ber chu Pu Rochhinga, Zemabawk North leh Wheelchair a nawr ngai Pi Darrokhumi, Kawrthah khua te an ni, a ti.

He inthlanah hian mahni insawi thaiha kum 1997 a Tripura a tlanchhia Bru Unaute pawhin Kanhmunah thlamuang takin vote an rawn thlak a, CEO Ashish Kundra, IAS chuan, Bru voters 11,987 awm zinga 6,284 (52%) in vote an thlak a ni, a ti. Mizoram puma voters 7,70,395 zinga 394,897 chu Hmeichhia an ni.

Bru refugee caste vote in Mizoram

Bru-hote chu YMA Kanhmun Branch te chuan lawm takin anmahni lo “Welcome” na thuziak puanzar an lo zar duai mai a ni! Mizo mipui ten a pawng a takin Bru hnamte kan hmelma en a, kan “Sakhi hmuh” mai lohzia a tilang a tih theih ang.

Tun tum inthlanah Bial ngaihnawm leh mipui ngaihven zual tura rin chu- Palak bial (Hiphei-BJP), Tawi bial (R.Lalzirliana-MNF, Dr. JV Hluna BJP), Champhai South leh Serchhip bial (Lal Thanhawla-Congress, Lalduhawma-ZPM), Aizawl East-1 bial (Zoramthanga, MNF, K. Sapdanga ZPM), Lunglei South bial (Rev. Dr. H. Thanzauva, Dr. K. Pachhunga MNF), Aizawl North-III bial (Lal Thanzara, Congress), Hrangturzo bial (Vanlalawmpuii Chawngthu-Congress) te an ni.

Pu Ashish Kundra, IAS, Chief Electoral Officer, Mizoram State chuan, Mizoram state election neih muanawm taka buaina thleng lova a zo thei chu lawmawm tiin, India ram pum tan pawha entawn tlak (most democratically organized society free and fair election) tiin a fak hial a ni.

Hetianga Kristian te chenna ram niawm renga election fel fai leh thianghlim neih a ni hi thil lawmawm tak a ni. Hun lo kal zel turah pawh State dangte tana entawn tlak (model) ni zel tura kan inbuatsaih hi thil pawimawh tak a ni. 
GOD BLESS MIZORAM! @CT Lalrinawma

Post a comment

Powered by Blogger.