K LIANTLINGA CHANCHIN TAWI - TIMES OF MIZORAM

Breaking

Home Top Ad

Post Top Ad

K LIANTLINGA CHANCHIN TAWI

POLITICIAN TE BIHCHIANNA | K. LIANTLINGA


By - V. Lalnunthara (Mathara), E-43, V. Thanga Street, Dawrpui

K LiantlingaPu K. Liantlinga hi Aizawl Lal, Pu Hrawva Khiangte (L) leh Pi Lalluii (L) te fa 13 zinga a tlum niin kum 1953 April ni 4 khan a lo piang a, tunah hian kum 65 a ni mek a ni.

An chhungkua hi Mizoram Politics ah mithar an ni lova, a pa nau Pu Taikhuma (L) hi kum 1952 - 1962 thleng Mizo District Council (MDC) member a ni a. A u Pu K.C Lalvunga (L) hi kum 1952 - 1967 chhung MDC member a ni a. A u fapa Pu Andrew Lalherliana hi kum 1987 atanga 2008 inkar khan MLA ah vawi 3 thlan a lo ni tawh bawk. 
Amah Pu K. Liantlinga hi kum 2008 Assembly Inthlan ah khan Aizawl South - I bial aṭangin MLA ah thlan a ni tawh a, grassroot level aṭanga politics chinchang hria, Venghlui Village Council President pawh lo ni tawh a ni.

Pu K. Liantlinga hi ram pum huap ah nihna leh chanvo pawimawh tak tak a lo chelh tawh ṭhin a, Youth Competition, All India Football Federation leh North Eastern Football Forum ah te chairman leh treasurer hna te a lo chelh tawh ṭhin. Heng bakah hian Mizoram Football Association, Mizoram Sport Co-Ordination Committee ah te Chairman a lo ni tawh a, Young Mizo Association (YMA) ah Life Member a ni bawk. A awmna Venghlui Branch YMA leh pawl dangah hun rei tak chhung hruaitu a lo ni tawh bawk.

Kohhran lamah Venghlui Presbyterian Kohhran ah Puitling Sunday School zirtirtu leh thuhril rawngbawl hna thawkin, Kohhran Building Committee member a ni bawk. Kum 2013 khan Aizawl aṭangin Lunglei thleng ke in a kal a, Mizoram tluchhe mek chhanchhuah nan 'Save Mizoram Kawngzawh' a lo nei tawh bawk.

Pu K. Liantlinga hi kum 1972 November ni 3 khan Pi Lalchungnungi nen an innei a, fapa 2 leh fanu 3 neiin an chhungkua in Aizawl Venghlui ah an khawsa mek a ni. Amah hi Aizawl tlangval 'Gentleman' nih tling a ni a, a 'Sir' vuah mai a ni. A mihring pui te khawngaih thei mi tak a ni a, chhiat tawk an awmin tu pawh nise, eng ang mi pawh nise anmahni tawrhpui a, ṭanpui turin a che chhuak thuai ṭhin. Hmathlir nei ṭha tak, a mawhphurhna ni a a hriat chu ama tawkah hlenchhuah ngei tum ṭhin mi a ni. ~ Vee Mathara Hendrix

No comments:

Post a Comment

Post Bottom Ad