Contact Form

Name

Email *

Message *

Iklan

MNF CANDIDATE PU LALCHHANDAMA RALTE CHANCHIN

ToMZ
16 Nov 2018, Friday, November 16, 2018 IST

TUIVAWL BIAL MNF CANDIDATE PU LALCHHANDAMA RALTE CHANCHIN TLANGPUI


LALCHHANDAMA RALTE CHANCHINKumin, 2018 MLA inthlan pui lo awm tura Tuivawl bial MNF candidate Pu Lalchhandama Ralte hi March ni 11, 1972 khan Kawnpui-ah a piang a, Rev. R.B. Laitawia (L) leh Pi Vanrammawii fa pali zinga a naupang ber dawttu a ni. A pa hi Sialhau/Chhiahtlang lam chhuak a ni a, a nu hi Chalrang pastor Rev. Pasena fanu a ni. A pa rawngbawlna avangin Zoram hmun hrang hrangah an awm kual nasa hle. Tunah hian a nu Pi Vanrammawii hovin a nupui Pi Flora Rosangpuii d/o Ṭhuamkunga (L) leh a fate panga nen Durtlang Leitanah an cheng mek a ni.

ZIRNA LEH EIZAWNNA

Pu Lalchhandama Ralte te chhungkua hi rawngbawlna avangin Mizoram khaw hrang hrangah awmin zirna hmun pawh an insawn zing hle a. Kum 1989 khan Khawruhlian High School aṭangin HSLC a zo va, matric a pass hnuah Hrangbana College-ah zirna chhunzawm zelin kum 1998 khan NEHU, Shillong aṭangin MA (Pol. Sc) a zo leh a ni. MA a zawh hnu hian Mizoram Institute of Comprehensive Education (MICE)-ah Lecturer hna a thawk a, chumi hnuah ram leh hnam tana a rilru leh ngaihtuahna sêngin sorkar hna a thawh lai chu a bansan a, a hun puma ram leh hnam rawngbawl turin a inpe ta a ni.

KOHHRAN LEH KHAWTLANG RAWNGBAWLNA

Pu Lalchhandama Ralte hi naupang tê a nih lai aṭanga nu leh pa thu awih mi, insum thei leh nun uluk tak a ni a; zu leh sa, mipat hmeichhiatna kawngah dem kai lo a ni. Kohhran leh khawtlang rawngbawlnaah a theihtawp a chhuah ṭhin a, MLA a nih laiin Chanmari Pastor Bial KṬP-ah Leader a ni nghe nghe a ni. Tunah hian Leitan Presbyterian Kohhranah Tual Upa a ni a, Puitling Sande Sikul zirtirtu niin, kohhran leh khawtlangah nihna pawimawh tak tak a chelh mek bawk.

RAM LEH HNAM RAWNGBAWLNA

Pu Lalchhandama Ralte hi ram leh hnam vei mi a ni a, zirlai a nih aangin khawtlang leh ram tan a lo pen tawh ṭhin. Hrangbana College-ah Students’ Union leader-ah a zawnin term thum thlan tlin a ni a, Shillong-a lehkha zira a awm chhungin All Mizo Post Graduate Students’ Union (AMPGSU)-ah President a ni. Kum 2001-2003 chhungin MZP President a ni leh bawk. Ram leh hnam humhim tura zirlai pawl hmalakna hrang hrangah a sulsutu-ah ṭangin ṭum eng emaw maw zat jail bang a zût phah hial a ni. Zofate inpumkhat nan theihtawpin hma a la ṭhin a, MZP President a nih laiin tun thlenga an la hman zui zel, Zofate inpumkhatna tura intawhkhawmna ZOFEST bul a ṭan nghe nghe

Kum 1996-a Chakma foreigners electoral roll-a thun duh lohna lantirna kawngzawhpui LONG MARCH an neihah Commander-in-Chief a ni. He kawngzawhpuiah hian Aizawl-Chawngte (350 kms) chu a hovin Mizo ṭhalai ṭhahnem takin kein an zawh chhuak a ni. Kum 30 mi lek a nih laiin, ram leh hnam himna tura Mizoram political party zawng zawng leh tlawmngai pawl hrang hrang inzawmkhawmna SAVE MIZORAM COMMITTEE-ah Chairman lo ni tawhin a kaihhruaina hnuaiah ram leh hnam tan hmalakna pawimawh leh lian tham tak tak an nei a ni.

Kum 2003 khan a naupan lai aṭanga a tum ber, ram leh hnam tana rawngbawltu ni turin politics-ah a zuang lut a, ‘Pathian leh kan ram tan’ tiin MNF party a zawm ta a ni. Kum 2006 khan Tlungvel bialah MLA atan thlan tlin a ni a, party-ah chanvo pawimawh tak tak chelhin ram puma MNF Ṭhalai-ah President a ni tawh a, tunah hian MNF General Headquarters-ah General Secretary a ni mek a ni. Party aiawha tlawmngai pawl hrang hrang YMA, MUP, MHIP leh zirlai pawlte, kohhran leh sorkar dawrtu ber leh, ram pawna political party dangte nena indawr a ṭul changin party aiawhtu ber a ni ṭhin.

2018 MLA inthlan lo awm turah party hruaitute duhsakna changin Tuivawl Constituency-a MNF candidate atan puan a lo ni ta a, he bial leh ramin hma a sawn theihna turin, a vote theih chin chuan theihtawp lo chhuahpuia lo vote ṭheuh turin kan ngen a ni.

Visitor's Voice

Click to Comment

No comments:

Mizo Nula Khal

+