India ram leh khawvel hmun hrang hrang a Engineer singkhat chuang inkhawmpui November 22-25, 2018 Nagpur a neihna ah ka tel ve hlauh mai a, vannei ka in ti hle mai. Technology changkang leh research paper presentation hrang hrang te leh khawl changkang chhuak thar tam tak te chuan mit an la hlawm hle mai.
India ram highway meeting hmasa ber hi kum 1943 khan Nagpur ah neih a lo ni tawh a, ‘Nagpur plan’ ti te pawh a hriat lar a ni. Chuvang chuan highway lo pian tanna ‘Zero Miles Stone’ pawh Nagpur ah hian a awm nghe nghe a ni.
India ram pawhin kawng kan nei tha chho ve zel a, mahse road safety lam a kan la hniam zia leh nitin a accident avanga nunna chan kan tam si zia te han sawi zawm a chakawm viau laiin, a technical lam chu a ninawm deuh zawk takin, RSS lam chanchin hian kan chhunzawm daih zawk teh ang.
RSS (Rashtriya Swayamsevak Sangh) hi Nagpur-ah 1925 khan Keshav Baliram Hedgewar an a din a ni. YMA aiin kum 10 in a upa tihna a nih chu. He tih hun lai hian Keshav-a chu Congress Leader a ni a, British sawrkar duhlohna lan tirin public meeting te buatsaihin thu te a sawi thin. Tun ah hi chuan BJP leh RSS hian in lai china an nei tha tawh zawk awm e.
‘SANGH’ tih awmzia chu mipui tam tak tihna a ni mai. An tum ber pawh mipui tam takin a hrui khat vuan a khawsak ho in zirtir a ni. Pastor Chhawna inlarna a hrui khat vuan ula ral leh lam ka thenkai ang che u tih ang deuh khan, hausa leh rethei, lehkha thiam leh thiam lo te huang khat a luangin nitin an kal khawm a, thuthlung pakhat vuan chungin an in fiam a, hna te thawk tlangin an ei in an in tlang bawk thin a ni. Nikhat ah ram leh hnam tan darkar khat tal hun an pe bawk thin.
‘SWAYAMSEVAK’ tih pawh chu Sangh tan a hnathawk ‘hnatlâng’ hlawh nei lo te an ni a. Hlawh nei lo leh phut miah lova, ram tan a hnathawh a ni ber awm e. ‘Tlawmngaihna’ or ‘volunteer’ ti te pawhin a sawi theih tho ang chu.
‘RASHTRIYA’ tih chu Hindu tihna a ni a, ‘Ram leh a chhunga cheng te’ then hran theihloh a ni ber awm e. Tui leh Sangha inlaichin tlat, then hran theihloh inzawm tlat ngai ang vel a ni ber mai ang chu. Ram leh mipui pawh then hran theih loh ang an ni. Kan sakhuana leh culture a inzawm tlat tur a ni tih lam hawiin. Chu ti chuan RSS tih awm zia tak chu Ram tan a mipui hruikhat vuan a volunteer’ a nih ber awm chu.
RSS LAK AH IN VEN A NGAI:-
MIZO te pawh hi kan pi leh pu te hun lai chuan kan sakhuana leh kan culture a in zawm tlat a, then hran hleih theih an ni lo. Tun ah hian kan sakhua (Kristianna) leh kan culture hi a la in zawm tha em?. Kan culture kan Kristian san tih te pawh a awm ta a ni lawm ni?. Tun a RSS hlauhawmna ber tur pawh hi kan culture hi min Hindu pui mai ang tih hi a ni. Chuvang chuan kan culture hi kan Kristian pui leh vat a hun tawh a ni.
RSS chuan Hindu te an tlem zawk na a piang ah buaina a awm an ti a, Kashmir a buaina pawh hi Hindu 5% vel chauh an awm vang ah an ngai a ni. Mizoram leh Nagaland a helna leh tharum thawhna awm pawh hi Hindu tlem zawkna minority an nih vang ah an ngai a nih chu. (An nin Hindu an tih hi chu culture leh sakhua in zawm hi a ni a.).
RSS chuan India ram pumpui hi Hindu ram a siam an tum a, kei ni Kristian te chuan khawvel pumpui hi Kristian ram a siam kan tum ve thunga, chuvang chuan Kristian te hi min hlau hle zawk awm an ni. Chuti chuan ‘Khawvel zawng zawng ah kal ula thil siam zawng zawng hnen ah chuan chan chin tha hi hrilh rawh u’ tih ai a zim zawkin India ram state leh khaw hrang hrang ah an tawng te zir chawpin vak chhuak pawl pawh an in siam a ni.
RSS te hi Sawrkar-ah an in nghat lova tanpuina an dawng lo bawk, sawrkarin a do zawk a ni. Chu ti chung chuan hna nasa tak an thawk thei.
Ramsate chauh hi nature mil a kal an ni a, mihring erawh chu culrure mil a kal tur kan ni tih hi an thupui a ni.
En tir nan, Bawng thau deuh leh cher deuh kha awm dunin, hnim hring peh tur kha hmu se engtin nge an awm ang? a tuin nge chaw mamawh tam zawk ang ? Bawng thau zawk chuan 'kei chu ka hriselin ka chak zawk a, Bawng cher leh riltam hian kei aiin chaw a mamawh tam zawk ang' tiin a ei tir hmasa lovang, chu chu ran sa te awm dan , nature chu a ni. Mihring chuan kan chhia leh tha hriatna in he mi piah lam hi kan thleng thei a ni, mahni riltam chung pawhin midang a kian thei.
Ransa chuan a duh tawk a a ei hnu ah a ei bang chu a kal san mai ang, mihring erawh chuan a duham avangin a ei bang te pawh a fun tha in a la bo mai thei. Chu chu value system a awm dan chu a ni. A leh lam ah chuan mihring chu a mah pawh riltam hle mahse midang a ei tir phawt thei bawk. Chu chu culture chu a ni. He value system hi In ah leh school ah te kan in zirtir thei a ni.
RSS innghahna leh an in kaihhruaina te chu:-
1. An zavai in thian an ni a, intluk tlang vek an ni.
2. Mi an intluk tlan vek avangin in elna leh itsikna awm lovin hmangaihna a in laichinna an nei.
3. Thu awih leh thupek zawm chu tih ngei tur a ni a, chu mi ti tur chuan tihluihna (force) an hmang lo, hun vawn dik leh ngaih pawimawh an tum.
4. He pawl hi mihring value system in pawl hona a ni.
5. Simple / mawl mang deuh a nun hona a ni. Tu mah sang bik leh hniam bik awm lova in kaihhruaina hmun a ni.
A KHAR-NA:-
RSS chuan India ram pum Hindu ram a siam a tum laiin, kei ni chuan khawvel pumpui Kristian ram a siam tum mêk kan ni a, a hlau tu leh dawh thei lo zawk ah kan awm dawn em ni?.
RSS chuan culture hmanga ram lak an tum a, kei ni ve thung chuan kan culture kan Kristian san avangin keimahni ngei pawh kan in then darh nasa.
RSS chuan simple thei ang ber a khawsak leh an culture nghet tak vawn an in zirtir a, kei ni erawh chuan incheina kan uar em em a, kan culture leh kristianna in kar ah daidanna bang sâng tak kan siam a kan kartawn chhen bawk.
Hinduism ai a chung nung zawk Kristianna leh RSS ai a chung nung zawk thei kan YMA pawh hi Savun Kawrfual Kristianna a kan thuam that leh vat a ngai a ni.
Kan Kristianna pawh vân lam kâwk leh damchhûng hlamchhiah nilo, a lei nun siam tha zawng Kristianna lam ah kan harh thar a ngai. YMA kalkhawmnaa hâk chi leh kohhran thila kalkhâwmnaa hâk chite kan thliar zel a ramri kan kham zel chhung chuan RSS te aiin kan chungnung thei lovang.
Post a Comment