MIZORAM LEGISLATIVE ASSEMBLY INTHLANPUIAH TLUANG TAKA VOTE THLAK A NI


Vawiin khan rokhawlhna awm lovin Mizoram Legislative Assembly vawi 7-naah Mizoram mipui ten vote an thlak a ni. Vawiin tlai dar 4.30 khan Pu Ashish Kundra, Chief Electoral Officer chuan  Press Briefing a nei a. He hunah hian Media mite hmaah CEO chuan dar 4 thlenga Vote tla zat chu Vote nei zawng zawng atanga chhuta 71% a ni  a, vote thlak hun tawp dar 4 rik hmaa Vote thlakna huam chhunga voter  awm te chu Slip pek an ni a, slip nei ho zawng hian vote an thlak chhunzawm ang a ti.

Mizoram to poll today

CEO Pu Ashish Kundra chuan Election Commission of India(ECI) in inkaihruaina a siam angin tlai dar 4 khan Official in Vote thlak hun chu khar a nih thu a sawi a. Polling Station hrang hranga vote la thlak hman lo, dar 4 hmaa Vote thlakna huam chhunga awm hman te chu Polling Official ten slip pe in vote an thlak chhunzawm  tir ang a ti. Tlai dar 4 thlenga CEO hnena report thehluh ang chuan Mizoram pum a Vote tla zat chu 71% a ni na in Vote la thlak chhunzawm a nih avangin Vote tla zat hi a pung chho tura rin a ni.  report thehluh chinah Serchhipah 81%, Mamitah 70%, Kolasibah 77%, Aizawlah 65%, Champhaiah 74%, Lungleiah 77%, Lawngtlaiah 69% leh Siaha-ah 73% vote a tla a ni. Bru Transit Camp, Tripura atanga Kanhmun a Vote thlak zat chu 6284 niin hei hi Bru Vote vote awm zawng zawng 11987 atanga chhiara 52% a ni a. Polling station thenkhatah tlai  Dar 4  Voting Area a awm hman, Vote la thlak chhunzawm mek an awm bawk a ni.



Pu Ashish Kundra chuan India ram hmundang te tan Mizo mipui ten entawn tlak khawpa mawiin vote an thlak chhunzawm leh a thil lawmawm tak a ni a ti a. YMA, NGO’s leh Zirlai pawl hrang hrang te bakah Mipui inpekna a zarah inthlan thianghlim takin neih a ni a ti.


Mizoram Polls Today

Voting Polling booth Mizoram

Mizo Mipui Vote thlak



Polling booth Mizoram

Polling booth

Mizoram Election 2018


Mizo Mipui Vote thlak

Polling booth Mizoram



Inthlanpui Mizo

Mizo Mipui Vote thlak


Source: DIPR

Post a comment

Powered by Blogger.