"KHEP KHEP" TAWNGKAM LAR CHEPAKAI CHU LE!!

"KHEP KHEP" TAWNGKAM LAR

Nov 27, 2018(MSR) Tunlai "Zoram khawvel" a tawngkam lerh (slang) lar tak "Khep khep" tih chu "Enge a to bul?" tiin, Oxford & Chamber Dictionary lamah emaw, JF's Dictionary lamah emaw zawn hmuh chi a lo ni hauh lo mai a! Social networks group tin deuh thaw, WhatsApp leh Facebook ah a rawn lar hle a, keini ang "Pa tap tawm" khaw hawi zim leh "Khawte mawngping" an tih ang deuhva cheng tan chuan a awmzia a hriat loh theihin, a beng hawn loh theih ngei "khep khep" mai.

Tin, ngaiteh, heti hi a ni a: Patling thankin pahnih chuan tudang leng dang ngai lovin, hlim lawm em emin, an thian dun chauhvin "thil" an in dun kerh kerh a, chu an thil in chu a tui "khep khep" hle ni tur a ni! Pakhat zawk chuan a no senin a han in a, tui ti hmel takin a hmui a han tep chep chep a, "A va han tui KHEP KHEP ngai ve le! Tlang hriat a sawi chi chu a ni miah lo a. A tui emmmm khep khep a ni! Khep khep mai a..." tiin. A rilfang a zut raih ni ngei tur a ni!



A thianpa lahin, a thianpain "Zawngte tuithlum hmu ang mai" a tui ti taka a han in/ tem chu lungril taka lawmpui em emin, a kut tanga meizuk lai Zozial niawm tak chep tutin, za tak maiin awm tham chhil chhel chungin a han nuih pui khiah khiah a! Chuta tangin "thil sawi uarna tawngkam" atan tunlaiin a lo lar chho ta hluai, "khep khep" ta ni berin alang!

Kum 1980's chho khan Laisaizawk's Slang chu Sudden Muanga kal tlangin "Nguar ang lah", "Hope-rass" etc, tih chu Hrangek Hnapthlengsena, Lalkhirhvela, Darringaia, Hleizuama leh Judy Thiaii te leh Linda Hermawii te ho khan "Khawnuam City" leh "Hmunkhawhar City" ah te an lo hmang lar hle tawh thin a nih kha!

"Khep khep" tawngkam pawh hi Tribal Super Star, thlaraumi "Nungsang ram" dai pha chin inti ngat leh Sawhthing chin atchilh burtu, Sudden Muanga of the World kha la dam sela chuan, a hmang "war" ve "khep khep" ngawtin a rinawm e. @CT Lalrinawma

Post a comment

Powered by Blogger.