V. Lalnunthara (Mathara) V. Thanga Street, Dawrpui
Pu Denghmingthanga hi Pu Rokhawmthanga (L) leh Pi Lalhnawli te fa hming koh a ni a, an unau hi 4 an ni. Kum 1968 September ni 5 khan Aizawl Kulikawn vengah a lo piang a ni.
Thiamna lamah B.A a ni a, Pathian rawngbawlna ngaisang tak niin, rawngbawlna kawngah kum 30 mi anih laiin Kohhran Upa atan thlan a ni. Rawngbawlna kawngah a chelh tawh leh chelh mek te chu Synod Revival Speaker, Bible Society of India Aizawl Auxiliary Youth Committee ah President, Kulikawn Branch ah KTP Leader, BSI Aizawl Auxiliary CR leh Research Mobilisation Committee ah Secretary, Kulikawn Pastor Bial ah Chairman, Aizawl Chhim Presbytery ah Secretary hna te chelh tawhin Synod Mission Board member a ni mek bawk. Heng bakah hian khawtlang huap tlawmngai pawl ah te pawh a theihtawpa inhmangin a mikhual lo hle.
Tunah hian Kulikawn vengah chhungkua in an khawsa a, a nupui Pi Lalthlamuani nen fapa 1 leh fanu 3 an nei a ni. Aizawl South - II bialah hian MNF party Official Candidate a ni mek.
Post a Comment