RilianiMizoram chief minister leh MPCC president Lal Thanhawla tawngtai sak tura India chhim lam state Tamil Nadu atanga sister pahnih lo kalte chuan November ni 24 zing khan CM Bangla-ah tawngtaina hun an hmang, Pu Lal Thanhawla chu Pathian hriak thih, India ram Kristiante aiawh tura chief minister ni leh tura Thlarau Thianghlim hriattirna an dawn avanga Mizoram lo kal niin an insawi.

Coimbatore, Tamil Nadu atanga lokal Sister Indumathi leh Sister Vidhya te hian India rama Kristian chief minister tlemte zing ami Pu Lal Thanhawla chuan India ram Kristiante tana Pathian hriak thih a nih thu an sawi a, India rama BJP sorkarna lak atanga chhanchhuahna mei chhi engtu tur niin an sawi.

Sister te hian Pu Lal Thanhawla chu taksa hriselna te, politics kalkawnga tluang taka a kal zel theihna tur te'in Pathian hnenah an dilsak a. Kristiante nekchepa India rama kan awm mek chhanchhuak turin Pathian hnenah Pu Lal Thanhawla chu an hlan a ni.


Sister te chuan India ram chu Mizoram ang veka Kristian ram a nih theihnan a dil a, Hindu temple aia Kristian biak in tam zawkna India ram a lo awm theihna turin Pathian hnenah an dil a, Pu Lal Thanhawla chu India rama Kristiante zawng zawng chief minister a nih avangin thuneihna pe leh ngei turin Pathian hnenah an dilsak a ni.

Sister Indumathi hi Hindu sakhua zawm thin, Hindu hnam tha chhungkua atanga piang seilian a ni a, kum sawm kalta khan Thlarau Thianghlim kohna dawngin kristian sakhuaah inpe in a hun pum Pathian tan a hlan zui a ni.

Sister Indumathi hian Thlarau Thianghlim hriattirna a dawng avanga Mizoram lokal a nih thu a sawi a, Pu Lal Thanhawla chu Kristiante tana thawk zel tura chief minister a nihna a chhunzawm tur thu Thlarau Thianghlimin a hriattir niin a sawi a ni.

COMMUNICATION DEPTT. MPCC

~ Ramtei Lushai Tlau

Post a Comment

Powered by Blogger.