MNF sawrkar veleh SEDP kan kalpui nghal dawn a.
Chu chuan Party Office a therhlo beisei a vahkual ang chi hi a umbo dawn a ni.
- Professor F.Lalnunmawia
Aizawl 14th Nov.2018 : Ni 13.11.2018 (Tuesday) khan Aizawl South III biala MNF Candidate Dr. F. Lalnunmawia chuan Melriat leh Hualngohmun khuaa MNF Campaign Office a hawng.
Heng khawhniha MNF Campaign Office hawnnaah thusawiin Professor Mawitea chuan, "Mi thenkhat ten SEDP kalpui thei lo tur angin MNF an sawi thin a, heng mite hian SEDP hi NLUP ang mai mai turah an ngai a, NLUP hlawhchham zia hretu te an nih avangin an beidawng em em a, an khawngaihthlak hle a ni.
MNF Sorkar veleh SEDP hi kan kalpui dawn a, NLUP ang a ni ve dawn lo. Mitin banphaka a awm dawn avangin he Policy hian Party office a therhlo beisei a vahkual thin hi a umbo dawn a ni" a ti.
Tunlai thalaite dinhmun sawiin, "Lehkhathiam eizawnna hna nei si lo Mizo thalai zingah tam tak an awm a, hna neih loh avanga nupui pasal neih loh phah an awm han hmuh te hian hrehawm ka lo ti ve thin. Heng ho tan hian SEDP hnuaiah ruahmanna tha tak kan siam dawn a.
Thalaite zalenna dar kan khawng dawn a ni" a ti a. “Zu leh ruihhlo doin ruih theih thila buaite chhan chhuahna tur Rehab Centre tha zawk siam kan tum a, an fate ruihhlo ngai a buai annih avanga nu leh pate tam tak rumna hi chhawk zangkhai theih kan inbeisei" a ti bawk.
Aizawl South III MNF Candidate chuan, "Kan biala Candidate thenkhat te chuan bial chhung mi aiin bial pawn lam mi Campaigner-ah an ring zawk a, Election Agent ah te pawh he bial dinhmun engmah hre lo te an awm nuk mai. Tling pawh nise an worker te chanai eisaktu te tho kha an ni. Keini erawh chu kan bial hmangaihtu; a naka zentu te vek kan ni a, Bial chhung mipui te pawn an harsatna kan bula thlen nuam an ti bik a ni" a ti bawk.
"Melriat leh Hualngohmun khawtlang hian hmasawnna tur in la ngah hle mai a. Pathian leh mipuite zara ka lo tling anih chuan khawtlang mipuite rawnin theihtawpin in khawtlang tihhmasawn kan tum dawn a ni" a ti bawk.
Mi thiam, mi tha leh a ngaihna hria, Mizo te zinga Botany Professor hmasa ber, Dr Mawitea Aizawl South lll in MLA candidate atan kan nei hi vannei kan inti hle ani.
Issued by Media & Publicity Department
Mizo National Front
Aizawl South III Constituency
Post a Comment