Contact Form

Name

Email *

Message *

Iklan

Ashish Kundra Appointed As New Chief Electoral Officer (CEO) of Mizoram

ToMZ
16 Nov 2018, Friday, November 16, 2018 IST
 Chief Electoral Officer (CEO) of MizoramElection Commission of India chuan Chief Electoral Officer (CEO) thar atan Higher and Technical Education changtu Secretary Ashish a ruat a.

Ashish Kundra hian vawiin hian CEO hna hi a thawk tan dawn ni a thudawn a ni a. Nimin khan CEO office te tlawh kualin hnathawkte a inhmelhriat tir a ni.

NGO Coordination Chairman Pu Vanlalruata chuan Shashank-a chu Mizo hnam tana pawi thei thil tih tumah puhin ani thlak a ni ta chu an lawm thu a sawi a. Shashank-a a nih loh phawt chuan officer dang tu pawh an pawm theih thu a sawi a. CEO thar chu Mizorama inthlanna thianghlim, felfai leh muanawm a awm theihna atan thlawp an inpeh reng a ni a ti. 
Rorellai Mizoram Pradesh Congress Committee (MPCC) thupuangtu Pu Lallianchhunga chuan tlawmngai pawlte duh loh CEO a chhuak ta chu an lawm thu a sawi a. Chutih lai erawh chuan state sorkar leh an party chuan CEO atan hian Mizo ngei awm se an duh thu leh Mizo IAS officer 3 hming chu Election Commission hnenah rawt a nih thu a sawi a. Mizo ngei an duh chungin Shashank-a a chhuak hrim hrim chu an lawm thu a sawi.

MNF hruaitu Pu Zosangliana chuan Election Commission chungah lawmthu an sawi tih a sawi a, Mizoram mipui duh dan anga Shashank-a a chhuak ta chu lawmawm an tih thu a sawi. CEO ruat chu Election Commission thu a nih avangin an ruat apiang chu ram leh hnam tana pawi tur zawnga thil a tih loh chuan an pawm thei tih a sawi bawk a ni. 

Puan tawh thin angin Tripura relief camp-a Bru vote neite Tripura a vote thlak tir tuma an puh avang leh venhimna kalpui danah hnam bil tana engemaw taka tih tuma ringhlelin NGO Coordination Committee chuan S B Shashank hi a chhuah ngiatin November ni 6 atang khan a pisa kai tur an dang tan a. A tukah Election Commission in Delhi a an koh thlak avangin a pisa kai tur dan hi tihtawp a ni.

Election Commission chuan thil awmdan rawn thlithlai turin team 2 a rawn tir a, team lokal hnuhnung zawk Deputy Election Commissioner Sudeep Jain kaihhruai chuan CEO thar tur hming rawtna siam turin Mizoram sorkar a hriattir a. Mizoram sorkar chuan Mizo IAS officer pathum – Pu Lalhmingthanga, Pu H. Lalengmawia leh Pu K. Lalthawmmawia te hming pek thlak a ni a. Mahse, ECI chuan hming 2 dang rawt belh tura an tih angin pek leh a ni a. Chumi hnu-ah Ashish Kundra hi ruat a ni ta a ni. - AIR Aizawl
Visitor's Voice

Click to Comment

No comments:

Mizo Nula Khal

+