Mizoram State Chief Electoral Officer (CEO) turin ECI Delhi chuan Ashish Kundra, IAS, tuna Commissioner & Secy, GAD leh Higher & Technical Education Dept, Mizoram enkawltu chu a ruat fel ta. CEO hlui S.B Shashank, IAS (conferred) chu a thlak ta a ni.
CEO S.B. Shashank chuan dik lo taka Mizo IAS leh Principal Secy to the Gov't of Mizoram (Finance & Home) Pu Lalnunmawia IAS chu ECI ah Oct 29 ah zu hekin, ECI lamin L. Chuaungo hi Nov. 1 ah a sawn chhuak dawrh a, chu thil chu Mizo mipuiten duh lovin leh S.B Shashank-an Election lo awm tur atana a hmalakna chu dikhlel tiin an ring zo ta lova. Mizo mipui hmusittu tiin, "Kal mai teh" tiin a ban phutin "Mizo Hnam Hnatlang" chu All NGO Coordination Comtt hmalaknain, Mizoram Dist 5 ah mipui sang tam takin an neih phah a ni.
MIZORAM CEO THAR ATAN ECI CHUAN "ASHISH KUNDRA" RUAT A NI TA
Mizoram Sorkarin ECI hnenah S.B Shashank aiawh turin Dan angin ECI ah Mizo IAS pathum Pute- K. Lalthanmawia, Lalhmingthanga leh H. Lalengmawia te a rawt a, mahse, an lo pawm loh vangin midang 2 rawt belh leh turin Mizoram Sorkar an hriattir leha sawi a ni a, tunah Ashish Kundra, IAS chu a pawm fel ta chauh a ni.
Ashish Kundra hi 1996 ah IAS in ziak tlingin, Mizoramah April 2018 ah tuna a hna hi a rawn zawm a, chumi hmain Arunachal Pradesh ah Commissioner Finance & Planning, Investment a chelh a, Andaman & Daman, Diu, Dadra & Nagar ah te Administrator thawkin, PS to Union Minister, Commerce & Industry te, PS to Minister of State, I&B, Joint Secy, Addl Secy PWD, Gov't of New Delhi, Addl.CEO Delhi hna te a lo thawk tawh a ni. Amah hi B.Tech (Electronic) 1991-1995 ah a zir a ni. Twitter ah followers 2,127 a nei. @CT Lalrinawma
Post a Comment