SOCIAL MEDIA PRE-POLL RESULT AṬANGA KA THLIR VE DAN

SOCIAL MEDIA PRE-POLL RESULT AṬANGA KA THLIR VE DAN

~  C Muan Puia

Mizoram General Election 28th Nov.2018 thlir lawkna Social Media pre-poll, Er. Lawmnakima, Gognizant Technology Solution General Manager Bangalore hova buatsaih result ah chuan ZPM an sang filawr leh hle mai. Hmanni lawk khan MSR Fb group bikah Pu David Sailo hovin neih a ni tawh bawka chutah pawh ZPM an sâng hle tho a nih kha! He thil hi Party ruihchilhna rilru aṭanga thlir chuan ṭhenkhat tân lawmawm tak, a ṭhen tân erawh thil nuihzatthlak leh awihawm loh lutuk a ni! Result chu engpawh lo ni se hetiang Technology rintlak tak hmanga Social Media Opinion Poll kan han buatsaih thei ve ta hi a lawmawmin hmasawnna rahbi chi khat chu a ni hrim hrim mai.

Heti zawng hian thlir chhin teh ang: 

He result kan hmuh ruala mi tamtak rilrua lo lang nghal chu, "Hmanah pawh chumi kha mi chu a/an sâng bera mahse a tak takah engmah an ni chuang lo" tih hi a ni, dik pawh a dik khawp mai. Chutih rualin Social Media hmang thiam chin, ṭhalai(literate)a vote hmuh sân hrim hrim hi thil zahthlak chu a ni miah lo phawtin a rinawm. Mahse Social Media a sân viauva a taka hniam leh hle theih dân chu enge ni ta ang?

Ka mimal ngaihdan: 

He Poll-ah hian Social Media khawihtu (activies)te hian Vote hi an thlak vek lo mai ni lovin a thlak lo hi an tam zawk daih tih a hriat reng mai. Nimahsela, Thisen test tawh Hiv. Aids hrik pai an hmuh chhuah zat aṭanga a la test ve lote-ah pawh Aids hrik pai an tam tur zia chhutna formula ang thovin Social Media hmang thiam chin zawng zawng hian a bikin vote thlak ta se, ZPM hi chu an sâng ngei ngei ang tih ka ring bur mai!

Ram pum huapa innghahna tlak a nih loh nachhan ni a lang zawk chu Social Media khawih ve lo voters hi 60% vêl an ni turah ngai ta ila, heng zingah hian tunhma aṭanga Partya ruh tlat te, chhungkaw eizawngtu ber Party hamthatna lo dawng ve phak tawh Eg. Contract, Sawrkar hna, Insak ṭanpuina, hnathawhna hmun Transfered etc. te hian an hamthatna hmuhna Party hi an phatsan ngawt thei lo. 

Hetiang voters ngialnghet hi Sawrkarna lo chelh tawhte pahnih hi chuan engemaw zât an nei sà reng a ni. Hemi advantage hi tun generationa sawrkarna fawng la vuan ve miah lo Party/Independence candidates chuan an nei ve thei tlat lo thung. Chuvangin he pre-poll hian Zoram pum result tur a hril kher lovang tih a chian reng rualin a buatsaih tute erawh an fakawm hle.