Evangelical Church of Maraland (ECM) kohhran ni pawimawh tak Kristian Chhungkaw Ni

Evangelical Church of Maraland (ECM)Vawiin hi Evangelical Church of Maraland (ECM) kohhran ni pawimawh tak Kristian Chhungkaw Ni a ni a, ECM kohhran tin in urhsun takin an hmang. 

Kum in Kristian chhungkaw ni ah hian ECM Hqrs. chuan thupuiah Lungpui chunga In sa leh |iau dupa in sa chungchang hmanga thuchah ngaihthlak a ni.

Hetihlai hian Mizoram Presbyterian Kohhran chuan nakum 2019-a Nilai leh Beihrual Thupui leh Puitling Sunday School zirlaibu tur chu a tichhuak ta a. Heng lehkhabu pahnihte hi Mizo lehkhabu malkhaiah chuan copy chhut chhuah tam berte an ni a. Puitling Sunday School zirlaibu hi copy 83,000 chhut a ni a, Nilai leh Beihrual Thupui hi copy 66,000 chhut a ni a, a copy chhut tam ber tum a la ni.

Evangelical Church of Maraland (ECM) kohhran ni pawimawh tak Kristian Chhungkaw Ni
Nakkum 2019 hian Mizoram Presbyterian Kohhran chuan Puitling Sunday School-ah "Chanchin Tha Hril" tih an zir dawn a. He zirlaibu hi Presbyterian Pastor Rev. K. Lalrinmawia, tuna Mission Board Secretary ni lai mek ziah a ni a. He zirlaibu-ah hian zirlai 47 awmin phek 240-a chhah a ni a. Mizoram puma Synod Bookroom dawr zawng zawngah lei theih tura chhawp chhuah mek a ni a, a chhut man Synod-in 100-a 25 a subsidised avangin Cheng 100-a lei theih a ni ang.

Mizoram Presbyterian Kohhran Puitling Sunday School zirlaibu hi Mizoram Synod hnuaia Kohhran zawng zawngte zirlaibu a nih bakah Presbyterian Church of Myanmar (PCM) hnuaia Phai Synod pumpui chuan an zirlaibu atan an hmang ve nghal zel a. Presbyterian Church of Myanmar leh Mizoram Synod Partnership Agreement angin Mizoram Synod chuan kumtin Copy 1000 zet a thlawnin Presbyterian Church of Myanmar hi a pe thin a ni.

Kum 2019 Nilai leh Beihrual Thupui zirlai thupui tur hi "Kristiante leh Tunlai Khawvel" tih a ni dawn a. Mizoram Synod Moderator lo ni tawh Rev. H. Lalchhanhima ziah a ni a. Nilai leh Beihrual Thupui hi Mizoram puma Synod Bookroom dawr zawng zawngah lei theih tura chhawp chhuah tawh a ni. - AIR News Aizawl

Post a Comment

0 Comments