Kumin Mizoram inthlanpui a MLA tling 40 zinga 36, za zela 90 chu mi hausa, cheng vaibelchhe khat chuang hu hausakna nei an ni.
New Delhi a hmunpui nei Association for Democratic Reforms (ADR)-in thuchhuah an siam dan chuan MNF MLA 26 zinga 22, za zela 85 chu an hausakna cheng vaibelchhe chuang a ni a, Congress MLA 5-te chu an vaiin cheng vaibelchhe chuang nei vek an ni a. Chutiang bawk chuan independent MLA (ZPM) 8 leh BJP MLA neih chhunte pawh cheng vaibelchhe khat aia tam nei vek an ni. MLA tling zinga 2 hi cheng nuai 10 leh nuai 50 inkar nei an ni a. MLA 14 chu cheng nuai 50 leh cheng vaibelchhe 2 nei inkar an ni a, cheng vaibelchhe 2 leh cheng vaibelchhe 5 inkar nei chu 15 an ni a, MLA 9 chu cheng vaibelchhe 5 chuang nei an ni.
MLA tlingte hausakna chawh rual hi kum 2013 khan cheng vaibelchhe 3 leh nuai 10 a ni a, chu chu kuminah hi chuan cheng vaibelchhe 4 leh nuai 48 a ni. MLA hausa ber 3-te chu cheng vaibelchhe 44 leh nuai 74 a hausa Pu Robert Romawia Royte, MNF; cheng vaibelchhe 16 leh nuai 98 nei Pu Ramthanmawia, MNF leh cheng vaibelchhe 12 nuai 94 nei Pu Lalchhuanthanga, ZPM te an ni.
MLA thlan tlin zingah thubuai nei pahnih – Pu Zoramthanga leh Dr. R. Lalthangliana MNF ve ve an awm a. MLA 40 a\anga chhutin za zela 5 a ni.
MLA 40 zingah Graduate an tam ber a, 12 an ni a, graduate rau rauva thiamna bik nei leh post graduate-in dawtin 6 ve ve an awm a. Doctorate degree nei leh pawl 12 pass chu 5 ve ve an awm bawk. Pawl 10 pass chin leh pawl riat pass chin 2 ve ve an awm a, pawl nga pass 1 a awm bawk. - AIR
Post a Comment