Christmas ruai thehHome Minister Pu Lalchamliana leh senior Police officer-te chuan nizan khan Aizawla Police Station 4 an tlawh kual a, Aizawl khawpui chu a muanawm hle ni a sawi a ni.

Pu Lalchamliana hian Aizawl, Kulikawn, Bawngkawn leh Vaivakawn Police Station-te Urlawk zan khan a tlawh a, Minister hi IGP Pu L.H. Shanliana, DIG (Headquarters) Pu John Neihlaia, DIG (Northern Range) Pu Lalbiakthanga Khiangte leh Aizawl District SP Pu Brejendra Yadav te'n an tawiawm a. 

Police Station 4 an tlawhna-ah hian duty-te chu Krismas chibai bukin an cake zai tur leh an duty-na a an ei tur leh mamawh dang leina tur pek an ni a. Hetianga Krismas vuakveta Home Minister-in Police station hrang hrang a tlawh hi a hmasa ber niin Police hotute chuan an sawi. Aizawl khawpui chu urlawk zan hian a muanawm hle niin Police-te'n an sawi a, buaina leh harsatna lian tham engmah a awm thu dawn a ni lova. Hlim leh him takin Krismas urlawk zan hi hman a nih thu dawn a ni.

Home Minister leh amah \awiawmtute hian Police Station bakah khawpui hmun hrang hrang tlawh kualin Police-in venhimna an ruahmante a hmunah an thlithlai a. Boruak muanawm vawnghim turin venhimna lam thawktute chu an chah bawk a ni. - AIR

Post a Comment

Powered by Blogger.