Mizoram Politics Chanchinthar: Dec 15, 2018(MSR): Vawiin chhun dar 12 noon khan, MNF party atanga thlan tlin Chief Minister Pu Zoramthanga kaihhruai tur Mizoram Sorkar thara “Council of Ministers” turte chu Raj Bhavan, Aizawlah Mizoram Governor-in a la lut ta. Mizoram a thil la thleng ngai lo, History siam niin, he Council of Ministers turte hi Mizo tawng ngatin chhechham tir an ni a, Cabinet Minister zinga mi Pu Lalchamliana chuan Mizo Dress dik taka inthuamin, Ipte pui ak leh Diar khimin chhia a chham a ni. Chhechhamna an neih zawhin “Halleluiah Chorus” chu The Leprosy Mission Choir hoten an rem a, chumi zawhah Indian National Anthem (Hnam Hla) sakin a zui a ni.

Zoramthanga Chief Minister Mizoram

Ministers tharte chhechhama lakluh hi Chief Minister kal chhuak ta Pu Lal Thanhawla te nupa pawhin an hman pui a ni.



Chief  Minister:
Zoramthanga
ZoramthangaDy Chief Minister:
Tawnluia

Cabinet Ministers:
(1) Dr. R. Lalthangliana
(2) Lalchamliana
(3) C.Lalrinsanga
(4) R. Lalzirliana

Minister of States:
(1) K. Lalrinliana
(2) Lalchhandama Ralte
(3) Lalruatkima
(4) Dr. K. Beichhua
(5) T.J. Lalnuntluanga
(6) Robert Romawia Royte

Speaker: 
Lalrinliana Sailo
Dy Speaker: 
Er. Lalrinawma te an ni.

MNF sorkar tharah hian Minister hmel thar lang an awm nual a, chungte Pute- K.Lalrinliana, Lalchhandama Ralte, Lalruatkima, Dr. Beichhua, TJ Lalnuntluanga leh Robert Romawia Royte te an ni a, TJ Lalnuntluanga leh Robert Romawia Royte hi an vawikhat MLA tlinna an ni. TJ Lalnuntluanga hi Champhai South a Chief Minister ni lai Pu Lal Thanhawla khing thlatu a ni. @CT Lalrinawma

Post a comment

Powered by Blogger.