MNF SAWRKAR CHE NGHAL RUIHHLO DO TUTE HNENAH TANPUINA SUM HLAN - TIMES OF MIZORAM

Breaking

Home Top Ad

Post Top Ad

MNF SAWRKAR CHE NGHAL RUIHHLO DO TUTE HNENAH TANPUINA SUM HLAN

MNF Sawrkar Hmalakna: Social Welfare Minister Dr.K.Beichhua chuan nimin chawhnu dar 2:30 khan a office chamber ah ruihhlo do leh akaihnawih tul danga hman turin Central YMA, Police leh Excise & Narcotic Deptt. hnenah tanpuina pawisa a hlan.

MNF Sawrkar hmalakna


Minister in tanpuina sum a hlan te hi Central YMA kutah cheng nuai 24.7, Mizoram Police leh Excise & Narcotics deptt. kutah cheng nuai 16.65 ve ve a hlan a ni.

Tanpuina sum inhlan zawhah Excise Minister nibawk Dr.K.Beichhua chairman na hnuaiah Liquor Prohibition Co-ordination Commtt. meeting hmasa ber chu neih zui nghal a ni a.

MNF SAWRKAR CHE NGHAL, RUIHHLO DO TUTE HNENAH TANPUINA SUM HLAN

Meeting chuan Chirstmas leh kumthar vuakvet hunpui kan hmachhawn turah mitin ten zalen leh boruakmuan awm tak hnuaia hun an hmantheih nan Aizawl khawpuichhung leh daiah Duty post 9 siam nise an ti a, heng postah te hian Excise leh Police leh duty post awmna veng Branch YMA te duty se an ti a. Duty post bakah hian Mobile team 4 siam niin an ni hian khawpui chhung kawngpui dung chuhmun liah thenin hengah te hian an duty ni se an ti a, Inter state border road check post siam chungchangah tuna Police station leh out post awmsa te chu duty poat atan rin nghal ni se an ti a,duty tur pawh Nodal Deptt. Mizoram Excise & Narcotics leh Police bakah duty Post awmna Branch YMA te duty ni se tih te an rel.

Meeting chuan Dist Headquarter tinah Dist. Police SP leh Asst Commissioner Excise & Narcotics Deptt. leh YMA te tangkawpin coordination commtt. siam ni se tih te an rel ani. Meetingah hian Pu Lalnunmawia IAS Principal Secy Home, Police aiawh leh Excise SocialWefare deptt. hotute leh CYMA OB te an tel. - Dingdi

No comments:

Post a Comment

Post Bottom Ad